Penalti jaurtiketek bigarren Eurokopa eman diote Italiari
Italiak bigarren Eurokopa irabazi du Ingalaterra penaltietan mendean hartuta (1-1 partida amaieran); izan ere, hiru jaurtiketa huts egin dituzte 11 metroetatik: Saka, Jadon Sancho eta Marcus Rashfordek, hain zuzen ere.
Horrenbestez, Roberto Mancinik zuzendutako taldeak 1968ko Eurokopa irabazi zuen Italiako selekzioari txanda hartu dio 53 urte geroago. Orduko hartan, italiarrek 2-0 gainditu zuten Jugoslavia finalean.
Ingalaterraren aurkako norgehiagoka Luke Shawren gol batekin hasi da bigarren minutuan (Eurokopako final batean sekula sartu den golik azkarrena) Kieran Trippierrek eskuin hegaletik egindako erdiraketa bat aprobetxatuta.
Ondoren, 67 minutura, Bonuccik berdinketa lortu du. Italiarrek korner bat atera dute, eta Marco Verrattiren burukadak zutoinaren aurka jo du. Alabaina, erdiko atzelari italiarrak aldaratzea jaso eta luzapenera bidali du norgehiagoka.
Azkenean, penaltietan erabaki da finala, eta zeregin horretan Gianluigi Dunnarumma italiarren atezaina Ingalaterrako jokalariak baino iaioago agertu da (3-2).
Fitxa teknikoa:
1 - Italia: Donnarumma; Di Lorenzo, Bonucci, Chiellini, Emerson (Florenzi, 118. min); Barella (Cristante, 54. min), Jorginho, Verratti (Locatelli, 96. min); Chiesa (Bernasdeschi, 86. min), Immobile (Berardi, 55. min) eta Insigne (Belotti, 91. min).
1 - Inglaterra: Pickford; Trippier (Saka, 70. min), Walker (Sancho, 120. min), Stones, Maguire, Shaw; Rice (Henderson, 74. min (Rashford, 120. min), Phillips; Mount (Grealish, 99. min), Kane eta Sterling.
Golak: 0-1: Shaw, 2. min. 1-1: Bonucci, 67. min.
Epailea: Bjorn Kuipers (Herbehereak). Txartel horiak: Barella, Bonucci, Insigne, Chiellini eta Jorginho (Italia); Maguire (Inglaterra).
Gertakariak: Wembley futbol-elaian jokatutako neurketa, 67.173 ikusleren aurrean.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Alemaniaren gol festa Mundialean debuta egin duen Curaçaoren aurka (7-1)
Alemaniak gol sorta ederra sartu dio Munduko Kopan bere historiako lehen gola sartu duen Curaçaori.
Suitzak eta Qatarrek 1-1 berdindu dute, Brasilek eta Marokok gauza bera egin dute (1-1), Eskoziak 0-1 garaitu du Haiti, eta Australiak 2-0 Turkia
Ostegunean hasi zen 2026ko Munduko Futbol Txapelketako hasierako faseak partida parekatuak eta ezustekoak izan ditu orain arte. Qatarrek puntu bat lortu du Suitzaren aurka luzapenean (1-1), Brasilek eta Marokok berdinketa lortu dute (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia 2-0 garaituta.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.
Mexikok Hegoafrika garaitu du txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.
AEBk betoa jarritako epaile somaliarrak zuzenduko du Europako Superkopa
Omar Abdulkadir Artanek zuzenduko du PSG eta Aston Villaren arteko lehia, Munduko Futbol Txapelketan parte hartzea ukatua izan osetan
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
AEBk ez dio Somaliako epaile bati herrialdera sartzen utzi, eta irandarrek sarrerak erostea eragozten ari da
Omar Abdulkadir Artanek izan behar zuen Munduko Txapelketaren historian neurketa bat zuzentzen zuen lehen somaliarra. Irango Futbol Federazioak salatu du Washingtonek, FIFAren arauen arabera, dagozkion sarrerak atzera bota dituela.