Ingalaterra, Kroazia eta Txekia final-zortzirenetara sailkatu dira
Eurokopako D multzoa erabakita geratu da astearte honetan, hirugarren jardunaldiko partidak jokatu ostean. Ingalaterra, Kroazia eta Txekiar Errepublika final-zortzirenetan egongo dira; ingelesak izan dira multzoko lehenak, kroaziarrak bigarrenak eta txekiarrak hirugarrenak. Eskozia kanporatuta geratu da.
Ingalaterrak garaipena lortu du Txekiar Errepublikaren aurka, 0-1eko emaitzarekin. Hasiera ona eman dio neurketari talde ingelesak, baina Sterlingen errematea zutoinera joan da lehen minutuetan. Pixka bat geroago, ordea, Manchester Cityko jokalariak ez du barkatu, eta gola sartu du (0-1). Golaren ostean, moteldu egin da neurketaren erritoa. Txekiar Errepublikak pare bat abagune izan ditu, baina jokalari txekiarrak ez dira Pickford atezaina gainditzeko gai izan. Bigarren zatia kaskarra izan da, ia abagunerik gabekoa. Azken txanpan, epaileak Hendersonen gola baliogabetu du, Ingalaterrako jokalaria jokoz kanpo zegoelako errematea egin duenean. Amaieran, ingelesak garaile.
Multzoko beste partidan Kroaziak eta Eskoziak neurtu dituzte indarrak. Vlasicek sartu du partidako lehen gola (1-0), 16. minutuan, eta McGregorrek banakoa jarri du markagailuan (1-1), 42. minutuan. Bigarren zatian, Kroazia nagusi izan da, eta Modricek garaipena bideratu du 2-1ekoa sartuta. Neurketako 77. minutuan, Persicek sartu du gola (3-1), eta markagailuak ez du aldaketarik izan. Ondorioz, Kroazia nagusitu da.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Alemaniaren gol festa Mundialean debuta egin duen Curaçaoren aurka (7-1)
Alemaniak gol sorta ederra sartu dio Munduko Kopan bere historiako lehen gola sartu duen Curaçaori.
Suitzak eta Qatarrek 1-1 berdindu dute, Brasilek eta Marokok gauza bera egin dute (1-1), Eskoziak 0-1 garaitu du Haiti, eta Australiak 2-0 Turkia
Ostegunean hasi zen 2026ko Munduko Futbol Txapelketako hasierako faseak partida parekatuak eta ezustekoak izan ditu orain arte. Qatarrek puntu bat lortu du Suitzaren aurka luzapenean (1-1), Brasilek eta Marokok berdinketa lortu dute (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia 2-0 garaituta.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.
Mexikok Hegoafrika garaitu du txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.
AEBk betoa jarritako epaile somaliarrak zuzenduko du Europako Superkopa
Omar Abdulkadir Artanek zuzenduko du PSG eta Aston Villaren arteko lehia, Munduko Futbol Txapelketan parte hartzea ukatua izan osetan
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
AEBk ez dio Somaliako epaile bati herrialdera sartzen utzi, eta irandarrek sarrerak erostea eragozten ari da
Omar Abdulkadir Artanek izan behar zuen Munduko Txapelketaren historian neurketa bat zuzentzen zuen lehen somaliarra. Irango Futbol Federazioak salatu du Washingtonek, FIFAren arauen arabera, dagozkion sarrerak atzera bota dituela.