Hungariak eta Frantziak berdindu egin dute Budapesten (1-1)
Hungariak berdinketa garrantzitsua lortu du gehiegi barkatu duen Frantziaren aurka (1-1). Hala, emaitza horrek gauzak estutzen ditu F multzoan, eta itxaropena pizten du Marco Rossiren taldean final-zortzirenetara sailkatzeko ametsean.
Didier Deschampsen taldeak baloiaren jabetza eta aukerak monopolizatu ditu Griezmann, Mbappe eta Benzemak osatutako hirukote beldurgarriarekin. Bartzelonakoak bidali du lehen abisua, jokoz kanpo egoteagatik baliogabetutako gol batekin. Handik gutxira, PSGko aurrelariak jarraipena eman dio lehen zatiko ordu erdia bete denean, kapela kentzeko jokaldi batekin.
Geroxeago, Mbappek Benzemari pase bikaina eman dio, baina Real Madrileko aurrelariak ez du oparia aprobetxatu. Hala, gola iristen ez bazen ere, frantziarren kontrola erabatekoa zen.
Bitartean, hungariarrek Ádám Szalai kapitain beteranoaren (33 urte) baja izan dute, zelaitik atera behar izan baitu kolpe baten ondoren zorabiatuta zegoelako.
Alabaina, horrek ez dio kalte handirik eragin Rossi italiarrak zuzendutako selekzioari, saria jaso baitu lehen zatiaren amaiera aldera eraikitako kontraeraso batean. Fiola area barruan sartu da Sallairekin hormarena egin ostean. Varane berandu iritsi da eta hegalekoak Llorisen ateko sareetara bidali du baloia, aurrelari baten odol hotzarekin.
Lehen abagunea, eta Hungariaren lehendabiziko gola iritsi da. Bide batez, Frantziako selekzioari azken sei neurketetan sartu dioten lehen gola izan da.
Bigarren zatian, Deschampsen mutilek presioa aurreratu dute, baina etxekoak ez dira zimurtu eta arriskuz betetako kontraerasoekin erantzun dute.
59. minutuan, Rabioten ordez zelairatu berria zen Dembelek zutoinera bidali du baloia. Bera izan da frantziarren aldetik bigarren zatiko jokalaririk onena, baina Bartzelonako jokalariak zelaia utzi behar izan du 87. minutuan, giharretako lesio baten ondorioz.
Frantziarren berdinketaren gola zorioneko jokaldi batean iritsi da. Llorisek ateko sake luze bat atera du, hungariarren defentsa urruntzeko gai izan ez dena. Hartara, baloia Mbapperengana iritsi da, eta hark area barruan jarri du. Atzelari batengan jo ostean, hilda geratu da eta Griezmannek gola sartu du gogor jaurtita.
Horren ostean, partida erotu egin da. Hungariarrak euren aukeren bila ibili dira, emaitzarekin espekulatu gabe: jokatzen saiatuz, teknikoki jokalari mugatuagoak izan arren, eta munduko txapeldunei aurre eginez.
Mbappek area barruan egindako beste jokaldi azkar batek Gulacsik aldendu duen beste saiakera batekin amaitu da. Berriro ere, Portugalen gertatu legez, Leipzig RB taldeko atezaina bere taldeko onenetakoa izan da, eta berdinketa historikoa lortzeko ezinbestekoa.
Fitxa teknikoa:
1 - Hungaria: Gulácsi; Botka, Orbán, Szalai A.; Négo, Kleinheisler (Lovrencsics, 84. min), Nagy, Schäfer (Cseri, 75. min), Fiola; Szalai Á. (Nikolic, 26. min) eta Sallai.
1 - Frantzia: Lloris; Pavard, Varane, Kimpembe, Digne; Pogba (Tolisso, 76. min), Kanté, Rabiot (Dembélé, 57. min (Lemar, min. 87)); Benzema (Giroud, 76. min), Griezmann eta Mbappé.
Golak: 1-0, 47. min: Fiola; 1-1, 66. min: Griezmann.
Epailea: Michael Oliver (Ingalaterra). Txartel horiak: Botka (Hungaria); Pavard (Frantzia).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Argentinak, Messik hiru gol sartuta, Aljeria menderatu du (3-0); Norvegia Iraki gailendu zaio (1-4), eta Austriak Jordania gainditu du (3-1), Munduko Txapelketan
Leo Messik historia egin du, indarreko txapeldunaren aurreneko partidan; izan ere, hiru gol eginda, Miroslav Klose alemaniarrarekin berdindu du, Munduko Txapelketako golegile historiko handienen lehenengo postuan. Irak-Norvegia neurketan, Erling Haalandek bi gol sartu ditu.
Mbapperen eta Barcolaren golek garaipena eman diote Frantziari Senegalen aurka (3-1)
94. minutuan, Ibrahim Mbayek sartu du Senegalen gol bakarra, 2-1ekoa orduan, baina Mbappek hurrengo jokaldian 3-1ekoa egin du, eta norgehiagoka erabakita utzi. Gainera, gol horrekin Frantziako historiako golegilerik onena da.
Saudi Arabiak eta Uruguaik (1-1) eta Iranek eta Zeelanda Berriak (2-2) berdinketa lortuta ekin diote Munduko Txapelketari
H eta G multzoetan, txapelketako aurreneko jardunaldia jokatuta, erabateko berdintasuna dago; izan ere, multzo horietan dauden selekzio guztiek puntu bana dute. Astearteko goizaldeko partidetan, Uruguaik norgehiagokako azken minutuetan berdindu du Saudi Arabiaren aurka, eta Iranek bi aldiz berdindu ditu Zeelanda Berriaren golak.
Espainiak Cabo Verderen defentsa bikainaren aurka talka egin du (0-0)
Unai Simonek, Laportek eta Oyarzabalek hasieratik jokatu dute, eta Merino eta Nico Williams bigarren zatian zelairatu dira. Bestalde, Belgikak eta Egiptok bana berdindu dute Seattleko Lumen estadioan.
Tunisiak bere hautatzailea kargutik kendu du, lehen jardunaldian Suediaren aurka 5-1 galdu ostean
Sabri Lamouchi hautatzaileak 2026ko urtarrilean Sami Trabelsiren ordez kargua hartu zuen. Trabelsi Afrikako Kopatik at geratu ondoren kaleratu zuten. Lamouchik bost partidatan zuzendu ditu Kartagoko arranoak. Garaipen batekin (1-0 Haitiren aurka), berdinketa bat eta hiru porrot jaso ditu norgehiagoka horietan.
Suediak bost gol sartu dizkio Tunisiari (5-1), Boli Kostak Ekuador menderatu du (1-0) eta Herbehereek eta Japoniak 2-2 berdindu dute, Munduko Txapelketan
F multzoan, Suedia da lehen liderra, Tunisia jipoituta, eta Herbehereek eta Japoniak puntu bana dute; E multzoan, Boli Kosta bigarren postuan dabil, Alemaniarekin berdinduta, Ekuadorri gailendu eta gero.
Alemaniaren gol festa Mundialean debuta egin duen Curaçaoren aurka (7-1)
Alemaniak gol sorta ederra sartu dio Munduko Kopan bere historiako lehen gola sartu duen Curaçaori.
Suitzak eta Qatarrek 1-1 berdindu dute, Brasilek eta Marokok gauza bera egin dute (1-1), Eskoziak 0-1 garaitu du Haiti, eta Australiak 2-0 Turkia
Ostegunean hasi zen 2026ko Munduko Futbol Txapelketako hasierako faseak partida parekatuak eta ezustekoak izan ditu orain arte. Qatarrek puntu bat lortu du Suitzaren aurka luzapenean (1-1), Brasilek eta Marokok berdinketa lortu dute (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia 2-0 garaituta.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).