Ukrainak garaipena lortu du Ipar Mazedoniaren aurka
Ukraina garaile atera da Ipar Mazedoniaren aurka (2-1) ostegun honetan Bukaresteko (Errumania) Arena Nazional zelaian jokatu den Eurokopako C multzoko bigarren jardunaldiko partidan. Ukrainarrek lehen garaipena eskuratu dute.
Hasieran Ukraina izan da nagusi, eta 29. minutuan aurrea hartu du markagailuan, Yarmolenkok sartu duen golarekin (1-0). Aurrelari ukrainarrak Karavaeven pase ona baliatu du. Bost minutu beranduago, Yaremchukek gola sartu du (2-0), Igor Angelovskik zuzentzen duen taldearen defentsako lerroa gainditu eta ate aurrean baloia sare barrura bidalita.
Lehen zatian Ipar Mazedoniak ez du ia ezer egin erasoan. Hala ere, epaileak Pandeven gola baliogabetu du, jokalari mazedoniarra jokoz kanpo egon baita baloia jaso duenean.
Atsedenaldia ondo etorri zaio Ipar Mazedoniari eta erasokor zelairatu da bigarren zatian. Neurketako 55. minutuan, Karavaevek penaltia egin dio Pandevi, eta Alioskik aldeak murriztu ditu (2-1); Bushchan atezainak penalti jaurtiketa desbideratu du, baina aldaratzea Leeds Unitedeko jokalariak jaso du, eta ez du barkatu bigarren aukeran.
Ipar Mazedoniak erasora jo du berdinketa bilatu nahian, baina ez du abagune argiegirik sortu. Gainera, Ukrainak partida erabakita uzteko aukera izan du Malinovskyk egin duen penalti jaurtiketarekin, baina Dmitrievski atezainak gola eragotzi du. Hala ere, garaipenak ez dio ihes egin Ukrainako selekzioari.
Fitxa teknikoa:
2.- Ukraina: Bushchan; Karavaev, Zabarnyi, Matviyenko, Mykolenko; Shaparenko (Sydorchuk, 78. min), Zinchenko, Stepanenko; Yarmolenko (Tsygankov, 70. min), Malinovskyi (Sobol, 92. min) eta Yaremchuk (Besedin, 70. min).
1.- Ipar Mazedonia: Dimitrievski; Alioski, Musliu, Velkovski (Trickovski, 85.min), Ristovski, Nikolov (Trajkovski, 46. min); Spirovski (Churlinov, 46. min), Ademi (Ristevski, 85. min), Bardhi (Avramovski, 77. min); Elmas eta Pandev.
Golak: 1-0, 29. min: Yarmolenko; 2-0, 34. min: Yaremchuk; 2-1, 57. min: Alioski.
Epailea: Fernando Andres Rapallini (Argentina). Txartel horia atera dio Shaparenko (42. min) Ukrainako jokalariari, baita Velkovski (59. min) eta Avramovski (83. min) Ipar Mazedoniako bi jokalariei.
Zure interesekoa izan daiteke
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.