Italiak erakustaldia eman du Suitzaren aurka eta final-zortzirenetara sailkatu da
Italiak Eurokopako final-zortzirenetarako txartela lortu du, Suitzaren aurka garaipena erdietsita (3-0) asteazken honetan Erroman jokatu den A multzoko bigarren jardunaldiko partidan.
Bi jardunaldi jokatu ostean, italiarrak daude A multzoko buruan 6 punturekin, Gales da bigarren 4 punturekin, Suitza hirugarren postuan da puntu bakarrarekin eta Turkia dago azken postuan, oraindik punturik lortu gabe.
Bizi ekin dio neurketari Suitzak, baina ez dio Italiari minik egin eta lehen bost minutuen ostean Mancinik zuzentzen duen taldea egin da baloiaren jabe. Talde italiarrak seigarren minutuan izan du lehen abagunea, Sommer atezainak gelditu duen Berardiren errematearen bidez. Lau minutu beranduago Immobilek ezin izan du errematea sare barrura bidali. Ekinean jarraitu du Italiak, eta 19. minutuan Chiellinik gola sartu du, nahiz eta epaileak baliogabetu egin duen, jokalari italiarrak baloia eskuarekin jo baitu errematea egin aurretik. Norgehiagokako 24. minutuan Chiellinik min hartu du, eta ezin izan du zelaian jarraitu. Roberto Mancini hautatzaileak Acerbi zelairatu du kapitainaren ordez. Aldaketa egin eta bi minutu beranduago, 26.ean, Locatellik gola sartu du (1-0) Italiari merezi zuen saria emanda. Jokaldi bikaina egin dute italiarrek, Berardik erdiratu, eta Locatellik ez du barkatu Somer atezainaren aurrean.
Neurketako lehen golaren ostean, Italiako selekzioak jaun eta jabe izaten jarraitu du. Sommerrek lan eskerga izan du gaur, eta aurkariaren gola eragotzi du 33. minutuan, Immobileren jaurtiketa desbideratuta; aldaratzea Insignek jaso du, eta haren jaurtiketa Akanjik atera du atepetik. Atsedenaldira iritsi aurretik beste bi abagune argi izan ditu Italiak: Spinazzolaren jaurtiketa gurutzatuegi kanpora Joan da 37. minutuan, eta Sommerrek gola eragotzi du beste behin, Insigneren jaurtiketa desbideratuta.
Bigarren zatian ez da partidako gidoia aldatu. Italia erabat nagusi izan da. Gauzak horrela, Locatellik 2-0ekoa jarri du markagailuan, area kanpotik jaurti eta Sommer atezaina gaindituta.
Guztiz bideratuta utzi du garaipena Locatelliren bigarren golak. Suitza ezinean ibili da norgehiagoka guztian zehar, baina abagune ona izan du 64. minutuan; suitzarrek jokaldi ona egin dute, baina Zuberren jaurtiketa Donarumma atezainak gelditu du. Jarraian, Berardik izan du hirugarren gola sartzeko aukera eta Immobilek ere ezin izan du Sommer gainditu 73. minutuan.
Partida ia erabakita egon den arren, Italiak erasora jotzen jarraitu du, eta Immobilek italiarren erakustaldia biribildu du, gola sartu (3-0) eta garaipena ziurtatuz.
Fitxa teknikoa:
3. Italia: Donnarumma; Di Lorenzo, Bonucci, Chiellini (Acerbi, 24. min), Spinazzola; Barella (Cristante, 86. min), Jorginho, Locatelli (Pessina, 86. min); Insigne (Chiesa, 69. min), Berardi (Toloi, 69. min), Immobile.
0. Suitza: Sommer; Elvedi, Akanji, Schar (Zuber, 58. min); Mbabu (Widmer, 58. min), Freuler (Sow, 84. min), Xhaka, Rodriguez; Shaqiri (Vargas, 76. min); Seferovic (Gavranovic, 49. min), Embolo.
Golak: 1-0, 26. min: Locatelli; 2-0, 50. min: Locatelli; 3-0, 89. min: Immobile.
Epailea: Sergej Karatsev (Errusia). Txartel horriak atera dizkie Gavranovic (49. min) eta Embolo (79. min) Suitzako jokalariei.
Zure interesekoa izan daiteke
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.