Errusiak lehen garaipena lortu du, Finlandia mendean hartuta
Errusiak garaipena lortu du Finlandiaren aurka (0-1) asteazken honetan jokatu duen Eurokopako B multzoko bigarren jardunaldiko partidan. Selekzio errusiarrak porrota jaso zuen Belgikaren aurka lehen jardunaldian, eta bere lehen garaipena lortu du selekzio finlandiarra mendean hartu ostean.
Neurketaren hasieran Finlandiak gola sartu du Pohjanpaloren bidez, baina epaileak baliorik gabe utzi du, jokalari finlandiarra jokoz kanpo egin delako. Ondoren, Errusia nagusitzen hasi da, eta abagune argiak izan ditu. Ozdoevek izan du talde errusiarra aurretik jartzeko lehen aukera, baina jaurtiketa gora joan zaio. Geroago, Dzyubaren errematea ez da gutxigatik aurkariaren ate barrura sartu, baloiak zutoina jo ostean. Momentu txarrak pasa ditu Finlandiak; hala ere, ez du etsi eta errusiarren defentsari lan egin arazi dio Pukki eta Pohjanpalo jokalarien abiadura baliatuta. Partidako 30.minutuan Pukkik izan du finlandiarren abagune argiena; jokaldi on baten ondoren, ordea, jaurtiketa kaskarra egin du Finlandiako aurrelariak.
Dzyuba izan da Errusiak erasoan behin eta berriro bilatzen izan duen jokalaria, baina Finlandiak ondo lotu du Zenit taldeak jokatzen duen aurrelaria. Norgehiagoka atsedenaldira golik gabe berdinduta iritsiko zela ematen zuenean, Miranchukek 0-1ekoa jarri du markagailuan 47. minutuan, Dzyubiaren pasea jaso eta jaurtiketa bikaina eginda.
Bigarren zatiari erasokor ekin dio Finlandiak, baina Pukkik beste abagune argi bat alferrik galdu du. Diveek Errusiako selekzioko jokalaria bikain ibili da, eta ez do utzi Pukkiri eroso jaurtitzen utzi.
Neurketak erritmo bizia izan du bigarren zatian. Finlandia izan da baloiaren jabe azken txanpan, baina Errusiak kontraerasoan min egiteko aukera izan du. Zhemaletdínovek eta Kuzyaevek lehia erabakita uzteko aukerak izan dituzte, nahiz eta ez diren fin ibili Hradecky atezainak babestutako ate aurrean. Errusiak erritmoa moteldu du azken minutuetan, Finlandia berdinketa bilatzen saiatu da, baina selekzio errusiarrak ez dio aukerarik eman eta garaipenak ez dio ihes egin.
Fitxa teknikoa:
0 - Finlandia: Hradecky; Tovio (Jensen, 84. min), Arajuuri, O'Shaughnessy; Raitala (Soiri, 75. min), Uronen, Lod, Schüller (Kauko, 67. min), Kamara; Pohjanpalo eta Pukki (Lappalainen, 75. min).
Hautatzailea: Markku Kanerva
1 - Errusia: Safonov; Mario Fernandes (Karavaev, 26. min), Dzhikiya, Divéev, Kuzyaev; Bárinov, Ozdoev (Zhemaletdinov, 60. min), Zobnin; Miranchuk (Mukhin, 85. min), Golovin eta Dzyuba (Sobolev, 85. min).
Hautatzailea: Stanislav Cherchesov.
Gola: 0-1, 47. min: Miranchuk.
Epailea: Danny Makkelie (NL). Txartel horiak atera dizkie Kamar (22. min), Barinov (27. min), Ozdoev (33. min), Dzhikiya (88. min) eta O'Shaughnessy (90. min) jokalariei.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).