Italiak aise irabazi dio Turkiari Eurokopako estreinako partida (0-3)
Italiak hasiera bikaina eman dio Eurokopari,txapelketako eta A multzoko estreinako partidan Turkiari 0-3ko emaitzarekin irabazita. Erroman jokatu da EURO 2020ari hasiera eman dion norgehiagoka.
Baloiaren jabe egin da hasieratik Italiako selekzioa eta golak sartzeko abagune argiak izan ditu. Hirugarren minutuan Berardik baloia arean jarri, eta Immobileren errematea Cakir atezainak gelditu du. Ordu laurden beranduago, Insignek jokaldi bikaina egin du, baina jaurtiketa kanpora joan zaio. Neurketako 22. minutuan Cakir atezainak italiarren gola eragotzi du Chielliniren erremateari erantzun bikaina eman eta gola saihestuta.
Turkia ezinean ibili da lehen zati guztian zehar, eta ez da abagune argirik sortzeko gai izan. Italia jaun eta jabe izan da. Norgehiagoka atsedenaldira iritsi orduko Immobilek gola sartzeko aukera argia alferrik galdu du. Ondoren, azken minutuan, epaileak ez du Italiaren aldeko penalti argi bat adierazi, Turkiako jokalari batek area barruan erdiraketa eskuarekin moztu ostean.
Bigarren zatiaren hasieran, Turkiak bere lehen abagunea izan du kontraeraso baten ondorioz, baina Underrek ez dio jokaldiari amaiera ona eman. Minutu bat beranduago, Italiak jokaldi ona egin du, Berardik eskuin hegaletik erdiratu, eta Demiralek bere atean sartu du gola (0-1).
Gola sartu ostean, selekzio italiarra nagusi izan da. Neurketako 58. minutuan Cakir atezainak Locatelliren jaurtiketa gelditu du, baina zortzi minutu beranduago Italiak 0-2koa jarri du markagailuan, Immobilek sartu duen golarekin.
Bigarren gola sartu ostean kontrolpean izan du neurketa Roberto Mancinik zuzentzen duen selekzioak, eta garaipena biribildu du Insignek 78. minutuan sartu duen golarekin (0-3).
Fitxa teknikoa:
0 - Turkia: Cakir; Celik, Demiral, Suyuncu, Meras; Yokuslu (Kahveci, 65. min), Tufan (Ayhan, 64. min); Yazici (Under, 46. min), Calhanoglu, Karaman (Devisoglu, 76. min); Yilmaz.
3 - Italia: Donnarumma; Florenzi (Di Lorenzo, 46. min), Bonucci, Chiellini, Spinazzola; Barella, Jorginho, Locatelli (Cristante, 73. min); Berardi (Bernardeschi, 85. min), Insigne (Chiesa, 81. min), Immobile (Belotti, 81. in).
Golak: 0-1, 54. min: Demiral (b.a.); 0-2, 66. min: Immobile; 0-3, 80. min: Insigne.
Epailea: Danny Makkelie (NL). Txartel horiak atera dizkie Soyuncu (88. min) eta Devisoglu (90. min) Turkiako jokalariei.
Zure interesekoa izan daiteke
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.