PSG, Europako Superkopako txapeldun
PSG Europako Superkopako txapelduna da. Parisko taldeak Tottenham menderatu du finalean, penaltietan nagusituta. Partida bina berdinduta (2-2) amaitu da, eta 11 metroetatik egindako jaurtiketetan Paris Saint-Germain gailendu da (4-3).
Hala, bada, PSGk 2025-2026 denboraldiko lehen titulu ofiziala irabazi du; hori bai, Txapeldunen Ligako txapeldunak gogotik sufritu behar izan du garaipena bereganatzeko, Europa Ligako irabazleak bi goleko errenta izan baitu. Neurketako azken hamar minutuetan lortu du PSGk norgehiagoka berdintzea eta penaltiak behartzea.
Van de Venek sartu du partidako lehen gola (0-1), 39. minutua. Atsedenaldiaren ostean, Romerok Tottenhamen aldeko 0-2koa jarri du markagailuan. Bi golak jasota, PSGri kosta egin zaio erreakzionatzea. Luis Enrique Martinezek zuzentzen zuen taldea ez da gai izan abagune argiak sortzeko, azken txanpara arte. Tottenhamek kontrolpean izan du neurketa, baina itxurazko arrazoirik gabe, aurkariaren setiorik gabe, Londreseko taldea atzean sartu da. Horretaz baliatu da PSG, eta 85. minutuan aldeak murriztu ditu Kang-in Leeren golarekin (1-2). Gol horrek hauspotu egin du Frantziako taldea, eta luzapenean Gonçalo Ramosek lehia berdindu du (2-2, 94. minutuan).
Gauzak horrela, 2-2ko emaitzarekin, penaltietan erabaki behar izan da garailea. 11 metroetatik, Solankek sartu egin du Tottenhamen lehen jaurtiketa (0-1), eta Vitinhak kanpora bota du PSGrena. Ondoren, Bentancurren (0-2) eta Ramosen (1-2) golak iritsi dira. Jarraian, Chevalier atezainak gelditu egin du Van de Venen jaurtiketa, eta Dembelek lehia berdindu du (2-2). Gero, Telek (Tottenham) kanpora bota du jaurtiketa, eta Kang-in Leek aurretik jarri du PSG (3-2). Pedro Porrok esperantza eman dio Tottenhami (3-3), baina Nuno Mendesek azken penaltia sartu du (4-3), eta titulua Paris Saint-Germainentzat izan da.
Fitxa teknikoa:
PSG: Chevalier; Hakimi, Marquinhos, Pacho, Nuno Mendes; Vitinha, Zaïre-Emery (Kang-in Lee, 68. min), Doue (Gonçalo Ramos, 77. min); Barcola (Mbaye, 67. min), Kvaratskhelia (Fabian Ruiz, 60. min) eta Dembele.
Tottenham: Vicario; Porro, Romero, Danso, Van de Ven; Palinha (Gray, 72. min), Bentancur, Sarr (Bergvall, 90. min); Spence, Kudus (Tel, 79. min) eta Richarlison (Solanke, 72. min).
Golak: 0-1, 39. min: Van de Ven. 0-2, 48. min: Romero. 1-2, 85. min: Kang-in Lee. 2-2, 94. min: Gonçalo Ramos.
Penaltiak: 0-1: Solanke, gola. 0-1: Vitinha, kale. 0-2: Bentancur, gola. 1-2: Gonçalo Ramos, gola. 1-2: Van de Ven, kale. 2-2: Dembele, gola. 2-2: Tel, kale. 3-2: Kang-in Lee, gola. 3-3: Porro, gola. 4-3: Nuno Mendes, gola.
Epailea: João Pinheiro (POR). Txartel horiak atera dizkie Barcola (56. min), Pacho (58. min) eta Dembele (90. min) PSGko jokalariei, baita Richarlison (53. min) eta Danso (62. min) Tottenhameko futbolariei ere.
Estadioa: Friuli (Udine, Italia).
Zure interesekoa izan daiteke
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
FIFAk ofizial egin du Iranek Tijuanan egingo duela Mundu Txapelketako egonaldia
Irango kontzentrazio-lekua aldatuko duela iragarri du erakundeak, AEBetako bisekin arazoak saihesteko.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Eibarrek Castelloren zelaian irabazi eta Burgosek Andorraren aurka galtzea behar du, igoerarako play-offa jokatzeko
Beñat San Joseren taldeak, 41. jardunaldian 2-0eko emaitzarekin Kordoba garaitu zuenak, EA Sports Ligara igoerako play-offa jokatzeko aukerak dituela du, baina ez dago soilik bere esku: SkyFi Castalian irabazi beharko du, eta Burgosek El Plantio zelaian Andorraren aurka punturik ez lortzea behar du.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Simon, Zubimendi, Merino, Oyarzabal eta Nico Williams, Munduko Txapelketara
Luis de la Fuente Espainiako hautatzaileak bost euskal jokalariak sartu ditu Munduko futbol Txapelketarako zerrendan; hori Estatu Batuetan, Mexikon eta Kanadan jokatuko dute, ekainaren 11tik uztailaren 16ra bitartean. De la Fuentek, halaber, Jon Martin eta Turrientes ere deitu ditu, entrenamenduetako lehen asterako.
Deportivok lehen mailara igotzea lortu du, zortzi urteren ostean
Zaragozak, Huescak eta Cultural Leonesak, ostera, Lehen RFEF mailan jokatuko dute datorren denboraldian.
Eibarrek garaipena lortu du Kordobaren aurka, eta dena azken jardunaldian erabakiko da (2-0)
Armaginek ez dute igoera euren esku bakarrik, aurretik dituztelako Castello eta Burgos, bi puntuko aldearekin.
Realak Espanyolen aurka berdindu du (1-1), eta Alavesek eta Athleticek galdu egin dute, Rayo Vallecanoren eta Real Madrilen kontra (1-2 eta 4-2)
RCDE Stadiumen, Oskarssonek aurretik jarri du Reala, eta Espanyolek bigarren zatian parekatu du markagailua; Mendizorrotzan, Toni Martinezek 1-0ekoa sartu du, baina Rayo Vallecanok, partidako azken hogei minutuetan, markagailua irauli du; eta Bernabeun, Guruzetak eta Izetak egin dituzte Athleticen golak, baina Real Madrilek lau lortu ditu.