Levante, Valentzia, Sevilla eta Real Madril, euskal taldeen aurkariak EA Sports Ligako 1. jardunaldian
Levante, Valentzia, Sevilla eta Real Madril izango dira Alavesen, Realaren, Athleticen eta Osasunaren aurkariak hurrenez hurren, EA Sports Ligako 1. jardunaldian.
Abuztuaren 16an, larunbatean, Alaves-Levante eta Reala-Valentzia neurketak jokatuko dira, biak ala biak 21:30ean, Mendizorrotzan eta Anoetan hurrenez hurren.
Arabako taldearen aurkaria maila gorenera itzuliko da, eta denboraldiaurrean amaitza onak lortuta helduko da Mendizorrotzara. Ez du golik ezta porrotik jaso: Teruel (0-2), Neom Sports (0-2), Castello (0-2) eta Auxerre (0-2) menderatu ditu, eta berdindu egin du lortu ditu Johor (0-0) eta Al Qadisiya (0-0) taldeekin. Mugitu egin da merkatuan, eta jokalari hauexek gehitu ditu taldera: Arriaga, Matturro, Moreno, Olasagasti, Koyalipou, Garcia, Toljan eta Sanchez, harrobiko Edgar Alcañizen igoerarekin batera.
Realaren aurkariari dagokionez, Valentziak askotariko emaitzak izan ditu denboraldiaurrean: 1-2 galdu zuen Castelloren aurka, golik gabe berdindu Leganesekin (0-0), Olympique Marseillarekin 1-1 berdindu zuen, Borussia Mönchengladbachen aurka 2-0 galdu zuen, eta Torinori 3-0 irabazi zion. Carlos Corberanek zuzentzen deun taldea jokalari hauekin indartu da: Ugrinic, Copete, Santamaria, Agirrezabala (utzita), Raba eta Danjuma. Bestalde, honako futbolariek utzi dute taldea: Mamardashvili, Domenech, Mosquera eta Barrenechea, besteak beste.
Egun bat beranduago, abuztuaren 17an, igandean, Athleticek Sevilla hartuko du San Mamesen (19:30ean). Andaluziako taldeak partida bakarra irabazi du denboraldiaurrean (2-4 Schalke 04ren aurka), berdindu egin du Sunderlandekin (1-1), Olympique Marseillarekin (1-1), Al Qadisiyarekin (2-2 eta penaltietan garaipena) eta Toulousekin (1-1). Horiez gain, 1-3 galdu zuen Birminghamen aurka. Sevillak Alfon eta Suazo fitxatu ditu; gainera, utzita egon diren Iheanacho, Jordan, Januzaj eta Mir itzuli egin dira, Taldetik irten direnen artean daude: Suso, Lokonga eta Saul.
Azkenik, Osasunak Real Madrilen kontra jokatuko du abuztuaren 19an, asteartean, Bernabeun (21:00etan). Talde merengeak Kluben Munduko Txapelketa jokatu zuen, finalerdietara iritsi zen, eta, ondorioz, ezohiko denboraldiaurrea egin du; Valdebebasen Leganesen aurka jokatu, eta 4-1 irabazi zuen. Abuztuaren 12an Tirol izango du aurkari. Xabi Alonsok zuzentzen duen taldeak Alexander-Arnold, Huijsen, Mastantuono eta Carreras fitxatu ditu. Gainera, Gonzalo bigarren taldeko jokalaria izatetik lehen taldekoa izatera pasa da. Aitzitik, Modricek, Lucas Vazquezek eta Vallejok Real Madrileko futbolariak izateari utzi diete.
Zure interesekoa izan daiteke
Alavesek penaltietan irabazi du denboraldiaurreko azken partida (1-1)
Alavesek amaitu du denboraldiaurrea. Quique Sanchez Floresen taldeak Racingen aurka jokatu du Sardineron, Nando Yosu saria jokoan zuela, eta penaltietan garaipena lortu du, bana berdinduta. Mantilla, bere atean gola sartuta Youssefen jaurtiketa baten ondoren, eta Villalibre izan dira partidako golegileak.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Ligan 26/27 denboraldian izango diren arau berriei buruz jakin beharreko guztiak
Epaileen Batzorde Teknikoak datorren denboraldirako arau berriak argitaratu ditu, eta, besteak beste, denbora-galerak saihesteko ekimenak eta VAR protokoloan egin beharreko aldaketak jaso ditu.
Unai Nuñezek Espanyolen jokatuko du utzita
Sestaoko atzelariak Celtak utzita jokatuko du 2026-2027 denboraldia talde kataluniarrean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Zaleak, hunkituta, azken agurra eman diote Franco Baresi kapitainari, Milanen
Futbol munduko hainbat aurpegi ezagun eta milaka zale bildu dira San Anbrosioko basilikan, Milanen kapitain ohi ospetsuari azken agurra emateko. 66 urte zituela hil zen, uztailaren 31n, gaixotasun baten ondorioz.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.