Real Madrilek 2024ko Kontinentearteko Kopa irabazi du, finalean Pachuca menderatuta (3-0)
Real Madrilek 2024ko Kontinentearteko Kopa irabazi du, txapelketako finalean Pachuca 3-0 mendean hartuta, Dohan (Qatar), Luisal Stadium futbol zelaian, asteazkenean. Hala, talde zuria historian laugarren aldiz da Kontinentearteko Kopako txapeldun; hain zuzen, ez dago lehiaketa horretan horrenbeste titulu lortu duen klubik.
Kylian Mbappek, 37. minutuan, Rodrygok, 53.ean, eta Viniciusek, 84.ean, penaltiz, Carlo Ancelottiren taldearen golak sartu dituzte. Real Madril Mexikoko taldea baino gehiago izan da, eta argi eta merezita irabazi du txapelketako finala.
Real Madrilek 1960an eskuratu zuen aurrenekoz Kontinentearteko Kopa, eta, gerora, 1998an, 2002an eta, orain, 2024an ere erdietsi du.
Finaleko fitxa teknikoa
3 - Real Madril: Courtois; Lucas Vazquez (Asencio, 88. min), Tchouameni, Rudiger, Fran Garcia; Camavinga (Ceballos, 61. min), Fede Valverde, Bellingham (Guler, 88. min); Rodrygo (Modric, 70. min), Vinicius eta Mbappé (Brahim, 61. min).
0 - Pachuca: Carlos Moreno; Andres Micolta, Sergio Barreto, Bryan Gonzalez, Luis Rodriguez (Sanchez, 75. min); Alan Bautista (Mena, 75. min), Pedro Pedraza, Elias Montiel, Nelson Deossa (Hernandez, 88. min); Idrissi (Dominguez, 88. min), Salomon Rondon.
Golak: 1-0, 37. min: Mbappé. 2-0, 53. min: Rodrygo. 3-0, 84. min: Vinicius, penaltiz.
Epailea: Jesus Valenzuela (Venezuela). Pachucako Pedraza eta Rondon zigortu ditu, txartel horia aterata.
Nabarmentzekoa: Kontinentearteko Kopako finala izan da, eta Dohako Lusail Stadium zelaian jokatu dute.
Zure interesekoa izan daiteke
Eibarrek Lucas Nuñez fitxatu du
20 urteko erdilaria Valentziatik dator utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.