Mendilibarren Olympiacosek Conference Leagueko finala jokatuko du Fiorentinaren kontra
Olympiacosek eta Fiorentinak UEFA Conference Leagueko finala jokatuko dute Atenaseko AEK Arenan, 21:00etatik aurrera. Jose Luis Mendilibarren taldeak irabaziz gero, bi urtetan Europan lortzen duen bigarren titulua izango litzateke zaldibartarrarentzt; italiarrentzat, ordea, historiako bigarren txapelketa europarra.
Olympiacosek jokatzen duen lehen finala da Europan, baina ez, ordea, Jose Luis Mendilibarrentzat. Izan ere, euskal entrenatzaileak Europa Liga irabazi zuen joan den denboraldian Sevillarekin: bigarrena nahi du, orain. Olympiacosera iritsi eta hiru hilabete baino pasa ez direnean, neurketa bakarra du aurretik Greziako futbolari lehen titulu kontinentala emateko.
Mendilibar Greziara iritsi zenean, Olympiacos laugarren zegoen Greziako Ligan, Kopatik kanporatu berri. Orduz gero, Pireoko taldeak 22 norgehiagoka jokatu ditu Zaldibarko teknikariaren esanetan, 15 garaipen, bi berdinketa eta bost porroteko balantzearekin.
Berez haiek baino hobeak ziren taldeak kanpoan utzi ostean iritsi da Olympiacos finalera: Aston Villa, Fenerbahce eta Maccabi Tel Aviv.
Conference League txapelketari neurria hartuta dion Fiorentina izango dute aurrean greziarrek. Italiako taldeak bigarren urtez jarraian jokatuko du finala, baina aurten iaz Bowenen gol batengatik galdu zuten garaikurra altxatzea espero dute. 1961eko Errekopa izan zen Fiorentinak lortutako titutu europar bakarra orain arte; bigarrenaren bila zelairatuko dira asteazken honetan.
FITXA TEKNIKOA
-Hamaikako posibleak:
OLYMPIACOS: Tzolakis; Dodinei, Retsos, Carmo, Quini; Iborra, Hezze; Fortounis, Chiquinho, Podence; El Kaabi.
FIORENTINA: Terracciano; Dodo, Milenkovic, Martínez Cuarta, Biraghi; Arthur, Mandragora; Nico González, Lucas Beltrán, Kouame; Belotti.
-EPAILEA: Artur Dias (Portugal)
-ZELAIA: AEK Arena de Atenas
-ORDUA: 21:00etan
Zure interesekoa izan daiteke
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
Urrezko Baloia: Unai Simon atezainik onenaren sarirako eta Mikel Arteta eta Unai Emery entrenatzailerik onenaren sarirako izendatu dituzte
Athleticeko atezainak, munduko txapelduna bera, Yashin Garaikurrerako izendatu dute, 2024an bezala; Arsenaleko eta Aston Villako entrenatzaileek, 2025-2026 denboraldian, Ingalaterrako Liga eta Europa Liga irabazi zituzten, hurrenez hurren.
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek Osasuna airean ibili du, Lucas Boyek partida ikusgarria eginda (5-2)
Alavesek ondo merezita irabazi du Osasunaren aurkako derbia Mendizorrotzan, eta bigarren kokatu da ligako sailkapenean. Lucas Boye izan da protagonista nagusia, hiru gol sartuta. Talde gorritxoaren bi golak, berriz, Ante Budimirrek egin ditu.