Osasuna eta Alaves, garaipenaren bila Sadarreko euskal derbian
Osasunak eta Alavesek EA Sports Ligako 27. jardunaldiko euskal derbia jokatuko dute martxoaren 4an, astelehenean, Sadarren. Neurketa 21:00etan hasiko da. Bi taldeak bolada onean iritsiko dira partidara.
Jagoba Arrasatek zuzentzen duen taldeak azken 9 puntuetatik 7 lortu ditu, eta denboraldiko unerik onenean dago, emaitzei erreparatuz gero. Realaren eta Cadizen aurka garaipena eta Las Palmasen kontra berdinketa lortu ostean, gorritxoek jaitsiera postuekiko abantaila handitu dute. Osasunak Ruben Peñaren baja izango du, eta zalantzan dago Mojicaren eta Barjaren parte-hartzea. Bestalde, Budimir jokatzeko prest dago, babes maskara batekin bada ere, Las Palmasen aurkako partidan masailezurra hautsi baitzuen. Raul Garcia de Haro eta Arnaiz ere, prest izango ditu Jagoba Arrasatek.
Alavesi dagokionez, bolada onean helduko da Sadarrera, eta bolada horri jarraipena eman nahi dio. 2024an partida bakarra galdu du EA Sports Ligan. Etxetik kanpo jokatutako azken lau partidetan puntuak poltsikoratu ditu, eta ez du porrotik jaso. Arabako taldea sailkapeneko hamargarren postuan dago, jaitsierako postuetatik hamar puntura. Osasunaren aurkako derbirako, Aleksander Sedlar da jokatzeko prest ez dagoen bakarra.
Lehen itzuliko norgehiagokan, Osasunak 0 eta 2 irabazi zion Alavesi Mendizorrotzan. Dena den, Arrasatek Osasuna zuzentzen duenetik, gorritxoek sei garaipen eta berdinketa bat eskuratu dituzte Gasteizko taldearen aurka jokatutako partidetan.
Zure interesekoa izan daiteke
Ukabilkada bat eta istilu itzela, Aragoiko derbian
Andrada, Zaragozako atezaina, kaleratu egin dute Pulido Huescako kapitainari bultza egiteagatik. Txartel gorria atera bezain laster, kontrola galdu du eta aurpegian ukabilkada eman dio Pulidori.
García de Haro: “Birtualki salbazioa ematen diguten hiru puntu dira"
Osasunako jokalariak berdinketaren gola sartu du Sevillaren aurka, eta horrek emaitza iraultzeko balio izan du (2-1), EA Sports Ligako 32. jardunaldian.
Realak Madril CFF garaitu du, eta eskura dauka Txapeldunen Liga (2-0)
Realak 2-0 irabazi dio Madril CFF talde gogorrari Zubietan, eta datorren denboraldian Txapeldunen Ligan jokatzeko aukera ematen duen hirugarren postuan egonkortu da. Lavogezek eta Ceciliak sartu dituzte golak.
Catenak azken txanpan eman dio garaipena Osasunari Sevillaren aurka (2-1)
Sevillak aurrea hartu du Maupayren golarekin, baina Raul Garcia de Harok eta Catenak partida irauli dute Sadarri garaipena oparitzeko. Garaipenari esker, gorritxoek arnasa eman diote Alavesi mailari eusteko borrokan.
Realak garaipenari ihes egiten utzi dio erotzeko norgehiagokan Vallecasen (3-3)
Pellegrino Matarazzoren taldea 1-3 irabazten ari zen 75. minutuan, baina Rayok partida berdintzea lortu du luzapenean. Neurketaren azken txanpan denetarik gertatu da, eta polemika piztu da epailearen erabakiengatik.
Pablo Marin: “Amorru handia ematen du azken minutuetan puntuek ihes egiteak”
Pablo Marin Realeko jokalariaren adierazpenak, Rayo Vallecanoren aurka 3-3 berdindu ostean, EA Sports Ligako 32. jardunaldiko partidan. (Adierazpenak gaztelaniaz)
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Eibar garaipenaren bidera itzuli da Levante azken sailkatua garaituta (2-1)
Hamaika jardunaldi garaipenik lortu gabe zeramatzan Eibarrek 2-1 irabazi dio Levante ligako azken sailkatuari Ipuruan, eta, horrenbestez, bere bolada txarrari amaiera dio. Iarak eta Garazik sartu dituzte armaginen golak. Eunate Astralagak, berriz, geldiketa erabakigarriak egin ditu, tartean penalti bat.
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.