Athletic-Reala EA Sports Ligako derbia urtarrilaren 13an jokatuko dute, larunbatez, 18:30ean
2023-24 denboraldiko EA Sports Ligako Athletic-Reala derbia urtarrilaren 13an jokatuko dute, larunbatez, 18:30ean, astelehenean LaLigak iragarri duenez. San Mameseko partida 20. jardunaldikoa da, hau da, bigarren itzuliko lehenengokoa. Sevilla-Alaves neurketa ostiralez jokatuko dute, urtarrilaren 12an, 21:00etan. Bartzelona-Osasuna norgehiagoka urtarrilaren 30ean jokatuko dute, asteartez, Superkopagatik.
Hala, Ligako Txapelketako bigarren itzulia Sanchez-Pizjuan futbol zelaian hasiko da, urtarrilaren 12an, ostiralez, 21:00etan, Sevilla-Alaves partidan. Luis Garcia Plazaren gizonak sendo dabiltza, mailari eusteko lehian, eta aurkaria, aldiz, orain arte behintzat ez da erakusten ari berez izan beharko lukeen indarra. Biharamunean, larunbatean, hilaren 13an, Athletic eta Reala arituko dira nor baino nor gehiago San Mamesen; Ernesto Valverderen eta Imanolen taldeak, lehen itzulia amaitzeko bi neurketa gelditzen direla, Europako postuetan jarraitzeko borrokan ari dira, bete-betean.
Osasunak Bartzelonaren etxean jokatu beharko luke asteburu horretan, baina partida hori atzeratu egin dute: urtarrilaren 3ean jokatuko dute, 21:00etan. Kontua da biak ala biak, Osasuna eta Bartzelona, Superkopan izango direla urtarrilaren 11tik 14ra bitartean. Hori bai, Bartzelona-Osasuna norgehiagokaren ordutegian aldaketa egon liteke, Errege Koparen bilakaeraren arabera.
Hypermotion Ligan, 22. jardunaldian, Eibar-Racing Santander partida urtarrilaren 12an jokatuko dute, ostiralez, 20:30ean, Ipuruan, eta Oviedo-Amorebieta neurketa hilaren 13an izango da, 18:30ean.
Zure interesekoa izan daiteke
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Gorka Guruzetak lesio moderatua du eskuin belauneko iskiotibialean
Athleticeko aurrelaria, horrenbestez, ziurrenik baja izango da larunbatean, Bilboko taldeak San Mamesen Elxen aurka jokatuko duen partidan, eta ez dago argi datorren asteko bi partidetan jokatzeko moduan izango den, hau da, Levanteren eta Alavesen kontra.
2026ko Urrezko Baloirako izendatuen zerrenda osoa
Urriaren 26an, Londresen, hala egingo dute; orduan, “France Football” aldizkariaren iritziz mundu mailan 2026ko futbolaririk onenek sariak jasoko dituzte. Hona hemen nortzuk dauden izendatuta, golardo bakoitzean.
Johaneko, Athleticeko jokalaria: “Oso harro nago. Lanean jarraitu behar da minutuak izateko”
Louis-Jean Johanekok debuta egin du denboraldi honetan lehen taldearekin, eta bere sentipenak partekatu ditu prentsaurrekoan.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
Urrezko Baloia: Unai Simon atezainik onenaren sarirako eta Mikel Arteta eta Unai Emery entrenatzailerik onenaren sarirako izendatu dituzte
Athleticeko atezainak, munduko txapelduna bera, Yashin Garaikurrerako izendatu dute, 2024an bezala; Arsenaleko eta Aston Villako entrenatzaileek, 2025-2026 denboraldian, Ingalaterrako Liga eta Europa Liga irabazi zituzten, hurrenez hurren.
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.