Real Madrilek mendean hartu du Barça, klasikoan markagailua iraulita (1-2)
Bartzelonak eta Real Madrilek 2023-24 denboraldiko lehen klasikoa jokatu dute, eta Madrilgo taldearen aldeko emaitzarekin amaitu da partida (1-2).
Barça nagusi izan da lehen zatian, eta Madrilek ez du bere jokoa egiten jakin. Izan ere, Gündoganek aurretik jarri du talde katalana 6. minutuan, Real Madrilek defentsan akats bat egin ondoren.
Hortik aurrera, etxeko taldeak nagusitasunez eta lasaitasun handiz jokatu du lehen zatian, eta 1-0 emaitzarekin joan da atsedenaldira.
Bigarren zatia Bartzelonaren nagusitasunarekin hasi da. 52. minutuan, Kepak etxeko taldearen bigarren gola eragotzi du, Araujok buruz egindako errematea geldituta.
10 minutu geroago, Bellingham klasikoan estreinatu da, gol ikusgarria eginez. Ter Stegenek ezin izan du gelditu Ingalaterrako jokalariak urrunetik egindako jaurtiketa, eta baloia sare barrura sartu da.
Luzapenean, zurien bigarren gola iritsi da. Carvajalen erdiraketa batek goitik gainditu du Iñigo Martinez, Modric kontrolatzen saiatu ostean, eta Bellinghamek, markarik gabe, bigarrena sartu du (1-2), 92. minutuan.
Azken minutuetan, Barçak berdinketa bilatu du, baina Real Madril sendo agertu da defentsan. Azkenean, talde bisitariak eskuratu ditu 3 puntuak (1-2).
Fitxa teknikoa:
1 - Bartzelona: Ter Stegen; Araujo, Christensen, Iñigo Martinez, Balde; Gavi, Fermin (Oriol Romeu, 72. min), Gündogan; Cancelo (Lamine Yamal, 76. min), Ferran (Lewandowski, 61. min) eta Joao Félix (Raphinha, 76. min).
2 - Real Madril: Kepa; Carvajal, Rüdiger, Alaba, Mendy (Camavinga, 52. min); Tchouameni, Valverde, Kroos (Modric, 63. min), Bellingham; Rodrygo (Joselu, 63. min) eta Vinicius (Lucas Vazquez, 93. min).
Golak: 1-0, 6. min: Gündogan. 1-1, 68. min: Bellingham. 1-2, 92. min: Bellingham.
Epailea: Gil Manzano. Txartel horia atera die Fermin (17. min) eta Ferran (46. min) Bartzelonako jokalariei, baita Carvajal (61. min) Real Madrileko futbolariari ere.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Iñaki Williamsek ez du Ghanako selekzioan jarraituko
Williams anaietako zaharrenak 28 partida jokatu ditu Afrikako selekzioarekin, eta bi Munduko Txapelketatan eta Afrika Kopa batean parte hartu du.
Bayernek eta Manchester Unitedek garaipena lortu dute eta Erromak berdinketa Txapeldunen Ligako estreinakoan
Bayern Munichek 5-0 jipoitu du Bodo/Glimt, Manchester Unitedek 4-0 garaitu du Sabah, eta Erromak eta Fenerbahçek 1-1 berdindu dute 2026-27ko Txapeldunen Ligako lehen jardunaldian. Como 1907k garaipen argia lortu du Leipzigen aurka, eta Shakhtarrek puntu bat eskuratu du PSVren zelaian.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Imanol Alguacil, Olympiakoseko entrenatzaile berria
Entrenatzaile gipuzkoarrak talde greziarraren agintea hartu du Jose Luis Mendilibarren irteeraren ostean.
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Jose Luis Mendilibarrek ez du Olympiakos entrenatzen jarraituko
Talde greziarrak 2024ko otsailean fitxatu zuen Zaldibarko entrenatzailea, eta datorren urteko ekainera arteko kontratua zuen. Imanol Alguacilek hartuko du haren tokia aurrerantzean.