Amorebietak berdindu egin du Cartagenarekin (0-0), Lezaman
Amorebietak 0-0 berdindu du Cartagenarekin igande honetan, urriaren 1ean, Lezaman jokatutako Hypermotion Ligako zortzigarren jardunaldiko partida. Hala, puntu bat gehitu du, eta bederatzi ditu orain.
Erasokor ekin dio neurketari Amorebietak, baina abagune argiak sortzea kostatu zaio Zornotzako taldeari. Cartagena atzean sartuta egon da ia lehen zati guztian; hala ere, bisitariek izan dute lehen aukera garbia 31. minutuan, Juanjo Narvaezen erremate batekin (kanpora joan da). Atsedenaldira iritsi aurretik, Cartagenako atezainak Amorebietaren gola saihestu du, Dorrioren jaurtiketa geldituta.
Bigarren zatiaren hasieran, 50. minutuan, Dorriok egindako errematea oso gutxigatik joan da kanpora, langa urratuta. Ondoren, ordea, parekotasuna izan da nagusi.
Bi taldeak saiatu dira golaren bila joaten, baina defentsak aurrelariak baino gehiago izan dira. Norgehiagoka 90. minutura heldu denean, epaileak zortzi minutu luzatu du arauzko denbora.
Amorebietak eta Cartagenak ez dute etsi, eta Murtziako taldeak sustoa eman dio Bizkaikoari, 95. minutuan Jacksonek sartutako golarekin; aurrelaria, ordea, jokoz kanpo zegoen taldekide baten pasea jaso duenean, eta epaileak baliogabetu egin du gola.
Azkenean, golik gabeko berdinketa Lezaman, eta puntu bat talde bakoitzarentzat.
Fitxa teknikoa:
0 - Amorebieta: Pablo Campos; Alvaro Nuñez, Gaya (Morci, 86. min), Manu Hernando, Lasure; Quintero (Rayco, 57. min), Sibo (Carbonell, 57. min), Moran, Dorrio; Edwards (Eraso, 69. min) eta Da Graca (Jauregi, 69. min).
0 - Cartagena: Marc Martinez; Ivan Calero, Pedro Alcala, Gonzalo Verdu (Fontan, 79. min), Arnau Sola; Musto, Luis Muñoz, Hector (Mikel Rico, 65. min), Narvaez (Umaro, 79. min); Juan Carlos Real (Jansson, 65. min) eta Alfredo Ortuño (Jony Rodriguez, 84. min).
Epailea: Oliver de la Fuente Ramos. Txartel horia atera die Sibo (41. min) eta Gaya (61. min) Amorebietako jokalariei, baita Luis Muñoz (38. min) eta Arnau Sola (94. min) Cartagenako futbolariei.
Zure interesekoa izan daiteke
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Eibar garaipenaren bidera itzuli da Levante azken sailkatua garaituta (2-1)
Hamaika jardunaldi garaipenik lortu gabe zeramatzan Eibarrek 2-1 irabazi dio Levante ligako azken sailkatuari Ipuruan, eta, horrenbestez, bere bolada txarrari amaiera dio. Iarak eta Garazik sartu dituzte armaginen golak. Eunate Astralagak, berriz, geldiketa erabakigarriak egin ditu, tartean penalti bat.
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Rochdaleko eromenetik Yorkeko estasira, igoerarik sinesgaitzena 103. minutuan
National Leaguek (Ingalaterrako Bosgarren Maila) futbolaren historiako amaierarik sinesgaitzenetako bat utzi du. York Cityk futbol profesionalera igotzea lortu du 103. minutuan sartutako golari esker, Rochdalek 95. minutuan egindako golarekin garaipena eskuratuta zuela pentsatu eta gero.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Athletic nahi eta ezin aritu da Granadaren aurka Lezaman (1-2)
Athleticek 1-2 galdu du Granadaren aurka Lezaman jokatu duen partida. Andaluziako taldea oso eraginkorra izan da, eta 0-2 aurreratu da markagailuan. Talde zuri-gorriari asko kostatu zaio Granadaren atea zulatzea, eta gola luzapenean sartu du. Ane Elexpuruk egin du.
Matarazzo: “Sendo amaitu nahi dugu denboraldia"
Pelegrinno Matarazzok adierazi du "oso garrantzitsua" dela denboraldia "ahalik eta hobeto" bukatzea, "hurrengoa ondo hasteko". Horrela, bada, Reala larunbat honetan Rayo garaitzen saiatuko dela ziurtatu du.
Lisci: “Biharkoa urteko partidarik garrantzitsuena da"
EA Sports Ligako 32. jardunaldian Sevillaren aurka jokatuko duten partidari buruz hitz egin du Osasunako entrenatzaileak.
Bautistak igoera postuetarantz gidatu du Eibar Albaceten (0-3)
Aurrelari armaginaren 'hat-trick' batek garaipena eman dio talde gipuzkoarrari, play-off postuetan kokatuz.