Alex Carbonell fitxatu eta Gorka Iturraspek ez duela jarraituko iragarri du Amorebietak
Bartzelona B taldetik datorren Alex Carbonell erdilaria fitxatu duela iragarri du Amorebietak, baita Gorka Iturraspek ez duela jarraituko ere.
Carbonellek 25 urte ditu, eta Bartzelonaren harrobian hasi zen. 2016ko azaroan egin zuen debuta lehen taldearekin, Luis Enriqueren aginduetara, Herculesen aurkako Kopako partida batean. Ondoren, Reus, Holandako Fortuna Sittard, Suitzako Lucerna eta Celta B taldeetan ere aritu zen jokalari kataluniarra, joan den denboraldian Bartzelona Bra itzuli zen arte. 37 norgehiagoka jokatu ditu han, Rafa Marquezek gidatuta.
Fitxaketa horrekin, 17 futbolari ditu Haritz Mujika entrenatzaileak, Bigarren Mailarako itzuleran. Horietatik zazpi berriak dira: Carbonell, Erik Moran (Ponferradina), Felix Garreta (Betisek utzita), Daniel Lasure (Eibar), Luis Quintero (Vila-realek utzita), Manu Hernando (Tondela/POR) eta Javi Eraso (Akritas Chlorakas/CHP).
Era berean, Unai Marinok, Jon Mikel Magunagoitiak, Josue Dorriok, Kwasi Sibok eta Eneko Jauregik kontratua berritu dute; indarrean zuten, berriz, Xabi Etxeita, Jorge Mier, Iker Seguin, Rayco Rodriguez eta Ryan Edwards jokalariek. Halaber, Grant Mateer estatubatuarra proba fasean egongo da denboraldiaurrean.
Bestetik, 14 jokalarik Urritxeko taldea utziko dute. Iturraspek ez ezik, honako hauek ere ez dute jarraituko: Javier Muruak, Mikel Praderak, Haritz Albisuak, Victor Lopezek, Mikel Goiriak, Juan Rodriguezek, Antxon Jasok eta Unai Bujanek, Jorge Yriartek, Toni Herrerok, Antonio Jesus Cantonek, Ewan Urainek eta Julen Jon Guerrerok.
Zure interesekoa izan daiteke
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Gorka Guruzetak lesio moderatua du eskuin belauneko iskiotibialean
Athleticeko aurrelaria, horrenbestez, ziurrenik baja izango da larunbatean, Bilboko taldeak San Mamesen Elxen aurka jokatuko duen partidan, eta ez dago argi datorren asteko bi partidetan jokatzeko moduan izango den, hau da, Levanteren eta Alavesen kontra.
2026ko Urrezko Baloirako izendatuen zerrenda osoa
Urriaren 26an, Londresen, hala egingo dute; orduan, “France Football” aldizkariaren iritziz mundu mailan 2026ko futbolaririk onenek sariak jasoko dituzte. Hona hemen nortzuk dauden izendatuta, golardo bakoitzean.
Johaneko, Athleticeko jokalaria: “Oso harro nago. Lanean jarraitu behar da minutuak izateko”
Louis-Jean Johanekok debuta egin du denboraldi honetan lehen taldearekin, eta bere sentipenak partekatu ditu prentsaurrekoan.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
Urrezko Baloia: Unai Simon atezainik onenaren sarirako eta Mikel Arteta eta Unai Emery entrenatzailerik onenaren sarirako izendatu dituzte
Athleticeko atezainak, munduko txapelduna bera, Yashin Garaikurrerako izendatu dute, 2024an bezala; Arsenaleko eta Aston Villako entrenatzaileek, 2025-2026 denboraldian, Ingalaterrako Liga eta Europa Liga irabazi zituzten, hurrenez hurren.
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.