Real Madril, Superkopako finalera Valentzia penaltietan mendean hartuta
Real Madrilek Espainiako Superkopako finalerako txartela lortu du asteazken honetan (urtarrilak 11) finalerdietan Valentzia mendean hartuta Saudi Arabiako Fahd Erregea estadioan jokatu den partidan.
Norgehiagoka parekatua izan da. Real Madrilek gola sartu du lehen zatian, 39.minutuan; Benzemak 1-0ekoa jarri du markagailuan, gola penaltiz sartuta. Hain zuzen ere, jokalari frantziarrari berari egin dio penaltia Comertek.
Bigarren zatiko lehen jokaldian berdindu du lehia Valentziak; Samuel Linok gola sartu du (1-1), boleaz errematatuta Latoren erdiraketa ona.
Azken txanpan bi taldeek izan dituzte golak sartzeko aukerak, baina Mamardashvili (Valentzia) y Courtois (Real Madril) atezainek eragotzi egin dituzte. Horrela, neurketa luzapenera joan da.
Atezainak izan dira protagonista beste behin luzapenean, eta bi taldeetako bat ere ez da gai izan bigarren gola sartzeko. Hala gauzak, irabazlea penalti jaurtiketen bidez erabaki da.
Cavanik ez du huts egin Valentziaren lehen penalti jaurtiketan, ezta Benzemak ere Real Madrilen estreinakoan. Valentziaren bigarren jaurtiketan, ordea, Comertek kanpora bota du baloia, eta Modricek aurretik jarri du Madrilgo taldea. Ondoren, Illaixek eta Guillamonek golak sartu dituzte Valentziarentzat; baita Kroosek eta Asensiok ere Real Madrilentzat. Gaya Valentziako kapitainari jaurtiketa gelditu dio Courtoisek, eta Real Madrilek bereganatu du garaipena.
Fitxa teknikoa:
1 (4)- Real Madril: Courtois; Lucas Vazquez (Carvajal, 69. min), Militao (Mendy, 74. min), Rüdiger, Nacho; Kroos, Camavinga (Modric, 46. min), Valverde (Ceballos, 106. min); Rodrygo (Asensio, 84. min), Benzema eta Vinicius.
1 (3)- Valentzia: Mamardashvili; Correia, Cenk Özkacar, Cömert, Gaya; Musah (Foulquier, 95. min), Almeida (Guillamon, 115. min), Lato (Ilaix Moriba, 95. min); Kluivert (Hugo Duro, 73. min), Samuel Lino (Fran Perez, 82. min) eta Cavani.
Golak: 1-0, 39. min: Benzema. 1-1, 46. min: Samuel Lino.
Penalti jaurtiketak: 0-1: Cavani, gola. 1-1: Benzema, gola. 1-1: Cömert, kanpora. 2-1: Modric, gola. 2-2: Ilaix Moriba, gola. 3-2: Kroos, gola. 3-2: Guillamon, gola. 4-3: Asensio, gola. 4-3: Gaya, Courtoisen gelditua.
Epailea: Alejandro Hernandez Hernandez. Txartel horiak atera dizkie Eduardo Camavinga (27. min) eta Nacho (109. min), Real Madrileko jokalariei, baita Justin Kluivert (31. min), Eray Cömert (38. min), Edinson Cavani (92. min) eta Almeida (99. min) Valentziako futbolariei.
Zure interesekoa izan daiteke
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Imanol Alguacil, Olympiakoseko entrenatzaile berria
Entrenatzaile gipuzkoarrak talde greziarraren agintea hartu du Jose Luis Mendilibarren irteeraren ostean.
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Jose Luis Mendilibarrek ez du Olympiakos entrenatzen jarraituko
Talde greziarrak 2024ko otsailean fitxatu zuen Zaldibarko entrenatzailea, eta datorren urteko ekainera arteko kontratua zuen. Imanol Alguacilek hartuko du haren tokia aurrerantzean.
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Gorka Guruzetak lesio moderatua du eskuin belauneko iskiotibialean
Athleticeko aurrelaria, horrenbestez, ziurrenik baja izango da larunbatean, Bilboko taldeak San Mamesen Elxen aurka jokatuko duen partidan, eta ez dago argi datorren asteko bi partidetan jokatzeko moduan izango den, hau da, Levanteren eta Alavesen kontra.
2026ko Urrezko Baloirako izendatuen zerrenda osoa
Urriaren 26an, Londresen, hala egingo dute; orduan, “France Football” aldizkariaren iritziz mundu mailan 2026ko futbolaririk onenek sariak jasoko dituzte. Hona hemen nortzuk dauden izendatuta, golardo bakoitzean.
Johaneko, Athleticeko jokalaria: “Oso harro nago. Lanean jarraitu behar da minutuak izateko”
Louis-Jean Johanekok debuta egin du denboraldi honetan lehen taldearekin, eta bere sentipenak partekatu ditu prentsaurrekoan.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.