Frantzia, Nazioen Ligako txapelduna
Espainiak eta Frantziak 2021eko Nazioen Ligako finala jokatu dute Milaneko (Italia) San Siro futbol-zelaian. Frantziarrek 2-1 irabazi dute markagailua irauliz.
Luis Enrique Martinezek Eric Garcia eta Rodri sartu ditu hasieratik Pau Torresen eta Kokeren ordez eta azkenean Ferran Torres jokatzeko moduan izan da. Unai Simon, Azpilicueta, Laporte eta Oyarzabal hasierako hamaikakoan izan dira ere.
Frantzian Kylian Mbappe, Karim Benzema eta Antoine Griezmann hasieratik jarri ditu Deschampsek, izen handiko futbolariak.
Lehen zatian gol abagune gutxi izan dira eta ez da golik egon. Baloia Espainiako selekzioarena izan da eta Frantzia bere aukera itxaroten egon da. Bigarren zatian heldu dira aukerak eta golak; 63. minutuan Theok langara bidali du baloia eta minutu bat geroago Mikel Oyarzabalek, kontra-erasoan, 1-0 jarri du.
Ospatzeko denborarik gabe 65. minutuan Benzemak gol ikaragarria egin du berdinketa jarriz eta 80. minutuan Mbappek bigarrena egin du Frantziarentzat. Partida ia bukatuta zegoela Espainiak berdinketaren gola egiteko aukerak izan ditu, baina Llopis bikain ibili da atepean.
HAMAIKAKOAK
Frantzia: Lloris; Pavard (79' Dubois), Kounde, Varane (41' Upamecano), Kimpembe, Theo Hernandez; Tchouameni, Pogba; Griezmann (92' Veretout), Mbappe eta Benzema.
Espainia: Unai Simón; Azpilicueta, Eric García, Laporte, Marcos Alonso; Busquets, Rodri (85' Fornals), Gavi (74' Koke); Sarabia (61' Yeremy Pino), Ferran Torres (85' Merino) eta Oyarzabal.
Futbol-zelaia: San Siro (Milan)
GOLAK
1-0, Oyarzabal (64')
1-1, Benzema (65')
2-1, Mbappe (80')
ITALIA - BELGIKA, hirugarren eta laugarren postuetarako lehian
Nazioen Ligako hirugarren postua Italiarrentzat izan da Belgika 2-1 irabazi eta gero.
HAMAIKAKOAK
Italia: Donnarumma; Di Lorenzo, Acerbi, Bastoni, Emerson; Barella (Cristante, 70'), Locatelli, Pellegrini (Jorginho, 70'); Chiesa (Bernardeschi, 92'), Berardi (Insigne, 91') eta Raspadori (Kean, min.65).
Belgika: Courtois; Alderweireld, Denayer, Vertonghen; Castagne, Tielemans (De Bruyne, 59'), Witsel, Saelemakers (De Ketelaere, 59'); Vanaken, Carrasco (Trossard, 87') eta Batshuayi.
GOLAK
1-0, Barella (46').
2-0, Berardi, penaltiz (65')
2-1, De Ketelaere (86')
Zure interesekoa izan daiteke
Suitzak Catarren aurka galdu du (1-1), Brasilek Marokorekin berdindu du (1-1), Eskoziak Haitiri irabazi dio (0-1) eta Australiak Turkia garaitu du (2-0)
Joan den ostegunean hasi zen 2026ko Munduko Futbol Txapelketak hasierako fase parekatua eta ezustekoz betea berretsi du. Qatarrek puntu bat bereganatu du Suitzaren aurka, luzapenean (1-1), Brasilek Marokoren aurka berdindu du (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia gailenduta (2-0).
Euskal selekzioaren aldeko kontzentrazioak egin dituzte hainbat herritan
Euskal selekzioaren ofizialtasunaren alde lanean ari den 7BAIETZ! plataformak kontzentrazioak deitu ditu Euskal Herriko hainbat udalerritan, Munduko Futbol Txapelketan euskal selekzioa ez dagoela presente gogoratu eta salatzeko.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.
Mexikok Hegoafrika garaitu du txapelketako lehen neurketan
Mexikarrek 2-0 irabazi diete afrikarrei estreinakoan, Julian Quiñonesen eta Raul Jimenezen golei esker, hasiera-hasieratik amaierara arte nagusi izan diren norgehiagokan.