Athleticek Alex Petxarroman fitxatu du, 2024 arte
Athleticek Alex Petxarromanen fitxaketa konfirmatu du. Jokalariak Realarekin zuen kontratua amaitu berri du eta bilbotarrekin 2024ko ekainaren 30a arte sinatu du.
24 urteko jokalaria Antiguokon jokatzen hasi zen eta ondoren hamaika urte eman ditu talde txuri-urdinaren harrobiko taldeetan.
Aurreko denboraldian bigarren taldeko kapitaina izan da eta LaLiga SmartBankera igoera lortu du, Xabi Alonsoren aginduetara. 20 partida jokatu ditu guztira, eta beti hasieratik.
Athleticeko jokalari berria "eskuinetik zein pibote modura jokatu dezake", eta "datorren astean Marcelino Garcia Toralen aginduetara egingo da denboraldi-aurrea lehen taldearekin egiteko", azaldu dute Athleticeko arduradunek ohar batean.
"Lehen mailan jokatzeko aukera"
"Athletic bezalako talde handi batekin Lehen Mailan jokatzeko aukera da. Noraino iritsi naitekeen ikusteko gogoa daukat", esan du jokalari donostiarrak zuri-gorriek ateratako adierazpen batzuetan.
Gainera, Petxarromanek "astelehena noiz iristeko" zain dagoela esan du, egun horretan hasiko baitira osasun azterketak Athleticen, asteazkenean entrenatzen hasteko. "Taldekide berriak ezagutzeko eta talde berriarekin entrenatzeko" gogoa ere agertu du jokalari gazteak.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.