Osasun Ministerioak ez du babesten denboraldi honetan zaleak zelaietara itzultzea
Carolina Darias Osasun ministroak astelehen honetan adierazi duenez, ez du gomendagarritzat jotzen une honetan ikusleak futbol-zelaietara itzultzea, autonomia-erkidego bakoitzak duen egoera epidemiologiko desberdina dela-eta.
Oviedon, Asturiasko Unibertsitate Ospitale Zentralean, emandako prentsaurrekoan Dariasek gogorarazi du Espainian hamalau eguneko epean pilatutako intzidentzia metatua 229 kasutan dagoela ehun mila biztanleko, baina autonomia-erkidegoen artean "aldakortasun handia" dagoela.
Hala, autonomia-erkidego batzuek 70 kasutik beherako intzidentzia metatua badute ere, beste batzuk 400 kasutik gertu daude, baita 500 kasutik gora ere.
Horrela, denboraldiaren azken zatian publikoa futbol-zelaietara itzuliko ote den galdetuta, Dariasek iritzi dio "ez litzatekeela berdina izango Espainiako lurralde osoan", eta ez duela gomendagarria ikusten: Bere aburuz, falta den tartean "ez litzateke gomendagarriena izango".
LaLigak, hainbat hilabetez isilik egon ondoren, joan zen ostegunean adierazi zuen haserre zegoela Gobernuaren irizpidearekin, jendea estadioetara pixkanaka sartzearen inguruan.
Pandemiaren ondorioz, zaleei debekatu egin zitzaien klub profesionaletako estadioetan sartzea, Lehen eta Bigarren Mailan, baina Ligak uste du Administrazioak argitu behar duela "zergatik den osasunari buruzko irizpidea desberdina Gobernuarentzat eta autonomia-erkidegoentzat, horietako asko alderdi berekoak direnean", Ligako iturrien arabera.
Javier Tebas Ligako presidenteak azken jardunaldietan futbol-zelaien edukierak "% 10 eta % 25 artean" beteta ikustea espero zuen.
Zure interesekoa izan daiteke
Imanol Alguacil, Olympiakoseko entrenatzaile berria
Entrenatzaile gipuzkoarrak talde greziarraren agintea hartu du Jose Luis Mendilibarren irteeraren ostean.
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Jose Luis Mendilibarrek ez du Olympiakos entrenatzen jarraituko
Talde greziarrak 2024ko otsailean fitxatu zuen Zaldibarko entrenatzailea, eta datorren urteko ekainera arteko kontratua zuen. Imanol Alguacilek hartuko du haren tokia aurrerantzean.
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Gorka Guruzetak lesio moderatua du eskuin belauneko iskiotibialean
Athleticeko aurrelaria, horrenbestez, ziurrenik baja izango da larunbatean, Bilboko taldeak San Mamesen Elxen aurka jokatuko duen partidan, eta ez dago argi datorren asteko bi partidetan jokatzeko moduan izango den, hau da, Levanteren eta Alavesen kontra.
2026ko Urrezko Baloirako izendatuen zerrenda osoa
Urriaren 26an, Londresen, hala egingo dute; orduan, “France Football” aldizkariaren iritziz mundu mailan 2026ko futbolaririk onenek sariak jasoko dituzte. Hona hemen nortzuk dauden izendatuta, golardo bakoitzean.
Johaneko, Athleticeko jokalaria: “Oso harro nago. Lanean jarraitu behar da minutuak izateko”
Louis-Jean Johanekok debuta egin du denboraldi honetan lehen taldearekin, eta bere sentipenak partekatu ditu prentsaurrekoan.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.