Berdinketa Eibar eta Athleticen arteko derbian
Ligako 29. jardunaldiari dagokion Eibar eta Athleticen arteko euskal derbia 2-2 amaitu da Ipuruan, partida zirraragarri baten ostean.
Lehenengo zatia gogorra eta azkarra izan da, bi talderen irabazteko gosea nabaritu da. Bosgarren minutuan Athleticen lehenengo abagune argia iritsi da. Caparen erdiraketaren ostean, Dmitrovicek ondo gelditu du Cordobaren jaurtiketa.
Laster iritsi da lehoien lehen gola. Yuriren jaurtiketaren ostean, Escalanteren eskua adierazi du epaileak eta penaltia seinalatu du Athleticen alde. Raul Garciak ez du huts egin, eta bere taldea markagailuan aurreratzea lortu du (0-1).
Eibarrek ahaleginak egiten jarraitu du, eta partidaren laurdena bete denean, Unai Simonek agerraldi ona egin behar izan du Coteren zuzeneko falta jaurtiketa gelditzeko. 19. minutuan, Kike Garciak neurketa berdindu du Ipuruan (1-1), Pedro Leonek erdiratu ostean.
Hortik aurrera, berdinketa desegiten saiatu dira bi taldeak, eta Eibarrek Athletic estutu du lehenengo zatiko luzapenean, baina berdinduta joan dira atsedenaldira.
Eibarrek arriskua sortzen abiatu du bigarren zatia. 46. minutuan, armaginen aldeko falta arriskutsua adierazi du epaileak, baina Pedro Leonek hesira bidali du. Armaginek eraso egiten jarraitu dute, eta, 50. minutuan, Mendilibar kanporatu du epaileak, Yurik Enrichi besotik heltzeagatik protesta egin ostean.
Ia bigarren zati osoan, Eibarrek jokoa menperatu du, eta 76. minutuan iritsi zaio saria. VAR sistemak Dani Garciak Escalanteri egindako falta adierazi, eta Orellanak 2-1ekoa sartu du penalti puntutik. Athleticek, ordea, azkar erreakzionatu du, eta bost minutu geroago, 81. minutuan, Villalibrek gola sartu du (2-2).
Epaileak 6 minutuko luzapena adierazi du. Denbora amaitzear zegoela, Kike Gonzalezek izugarrizko aukera izan du Eibarren garaipena lortzeko, baina azkenean berdinketarekin amaitu da norgehiagoka.
Zure interesekoa izan daiteke
Mbappek eta Viniciusek saririk gabe utzi dute Alaves, Bernabeun ondo lehiatu arren (2-1)
Quique Sanchez Floresen mutilek behin baino gehiagotan izan dute partidan sartzeko aukera, baina ez dute ate aurrean asmatu. Toni Martinezek luzapenean sartutako gol polit batek gatz pixka bat jarri du, baina beranduegi zen dagoeneko.
Gorosabel: “Ondo sufritu dugu eta hiru puntuak eraman ditugu”
Gorka Guruzetak sartu du Athletici Osasunaren aurkako partidan garaipena eman dion gola. Aurrelaria pozik agertu da "irabazi nahi zutelako eta lortu dutelako".
Aimar Oroz: “Lehenengo zatian, ez gara ongi sartu”
Osasunak, San Mamesen jokatutako derbian, galdu egin du, Athleticen aurka; partida amaituta, Aimar Orozek nabarmendu du igandean Sadarren izango den partida, Sevilla aurkari, oso garrantzitsua dela talde gorritxoarentzat.
Guruzetaren gol batek eta Simonen geldiketek derbia erabaki dute San Mamesen (1-0)
Valverderen taldeak arnasa hartu du landutako garaipenari esker. Lehen zatian Osasuna nahiko makal azaldu da, baina bigarrenean gehiago merezi izan du. Baina Ante Budimirrek, gehienetan gorritxoen heroiak, ez du bere arratsalderik onena izan, ez baitu ate aurrean asmatu.
Jon Uriartek bere bigarren agintaldiari hasiera eman dio, Ibaiganen
Larunbatean berriro presidente izendatu ondoren, arratsaldean, Ibaigane Jauregiaren atarian egin ohi den argazkiarekin bigarren legealdiari hasiera eman diote. Aurreko zuzendaritzako 11 kide izango dira berriro karguan, eta zortzi kolaboratzaile batu zaizkie, horien artean Javier Landeta Euskadiko Futbol Federazioaren presidente ohia.
Txuri-urdinen apoteosia, Donostian, Realaren laugarren Kopa dela eta
Realak lortutako Koparen ospakizunek pozez bete dituzte Donostiako bazter guztiak. Süne abeslaria, Oskarsson, Marrero, Elustondo eta Oyarzabal jokalariak eta Pellegrino Matarazzo entrenatzailea izan dira ospakizun ofizialaren protagonista nagusiak.
Sünek, jokalariek eta plaza osoak “Txoria txori" abestu dute, festa ahaztezinari amaiera emateko
Realak lortutako Koparen ospakizunek pozez bete dituzte Donostiako bazter guztiak.
Marrero, finaleko heroia: “Kristorena da plaza beteta ikustea, ez duzue parekorik"
Atezainak Realeko langile guztiei eskerrak eman dizkie, "bihotz-bihotzez, ezkutuan egiten duten lanagatik". Zalei txuri-urdinei goza dezatela eskatu die, "momentu txarretan aldamenean" egon ondoren.
Mikel Oyarzabalek Udaletxeko balkoitik erakutsi du Kopa, eta zale guztiekin hitz egin du: “Berriz ere esan ahal dugu Kopako txapeldunak garela!”
Realaren kapitaina izan da aurrena Udaletxeko balkoian, eta Alderdi Ederren zeuden milaka lagunei zuzendu zaie.
Matarazzo, euskara hutsean: “Hau hasiera besterik ez dela sentitzen dut"
Entrenatzaile txuri-urdinak bereganatu egin ditu zaleak. Aldez aurretik, "barkamena" eskatu du "akatsengatik". "Zeinen hasiera zoragarria egin dugun", azpimarratu du. "Zuen laguntzarekin jokalariek gauza handiak lor ditzakete", erantsi du.