Finalerdia Camp Nou estadioan erabakiko da (1-1)
Real Madrilek eta Bartzelonak intentsitate handiko norgehiagoka jokatu dute, baina 2013ko Errege Kopako finalerdia Camp Nou estadioan erabakiko da, 1-1ekoaren ondoren. Cesc Fabregasek markagailuan goitik jarri du Kataluniako taldea (50. minutua), baina Varanek kanporaketan bizirik utzi du Real Madril, berdinketaren gola eskuratuta.
Jose Mourinhoren mutilek presio gogorrarekin hasi dute neurketa, eta Cristiano Ronaldok lehenengo abagune argia izan du. Hala ere, Pintok ederki desbideratu du portugaldarraren jaurtiketa indartsua. Real Madrilek finalerdia ondo prestatu duela argi gelditu da, merengeen jarrerak aztertuta.
Hala ere, Barçak bere jokoa ezarri du, pixkanaka, eta Andres Iniestak eta Xavi Hernandezek bikain gidatu dute erasoa. Xavik aurreneko gola egiteko aukera paregabea izan du, baina kapitainak baloia langara bidali du, falta jaurtiketa zuzenean.
Bigarren zatian, Messi eta Fabregas gehiago azaldu dira erasoan, eta Bartzelonak 0-1ekoa lortu du. Callejonek gaizki desbideratu du baloia, eta Cescek aise gainditu du Diego Lopez atezaina.
Mourinhok Modric eta Higuain zelairatu ditu, eta Santiago Bernabeu estadioak gogorrago sakatu du. Real Madrilek jokoari abiadura eman dio, eta baloiak areara bidali ditu. Erdiraketa batean, Varane atzelariak 1-1ekoa jarri du (81. minutua) erremate indartsuarekin.
. Fitxa teknikoa:
1 - Real Madril: Diego Lopez; Essien, Varane, Carvalho, Arbeloa; Khedira, Xabi Alonso; Özil, Callejon (Modric, 58. minutua), Cristiano Ronaldo; eta Benzema (Higuain, 63. minutua).
1 - Bartzelona: Pinto, Dani Alves, Pique, Puyol, Jordi Alba, Busquets, Xavi, Cesc (Thiago, 85. minutua), Pedro (Alexis, 76. minutua), Iniesta eta Messi
Goles: 0-1, 50. minutua: Cesc. 1-1, 81. minutua: Varane.
Zure interesekoa izan daiteke
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Quique Sanchez Flores: “Vila-real errebelde jardungo delakoan nago”
Arabar taldearen entrenatzaileak badaki talde bikaina izango dutela aurrean, Iñigo Perez hango aulkira iritsi denetik aurrera egin duen Vila-real, hain zuzen ere. Dena den, argi du Alavesek ere baduela min egiteko modua.
?fmt=webp-alpha&qlt=80)
Reala vs Chelsea, zuzenean, EITBn
Irailaren 2an jokatuko den neurketa streaming bidez izango da ikusgai, kirolakeitb.eus atarian eta ETBONen, eta telebistaz, ETB1en, 19:00etatik aurrera, Zubietatik.
Remiro, Real Madrilen aurkako porrotaren ostean: “Lehen zatian, oso ondo lehiatu gara”
Alex Remiro Realeko atezainak Real Madrilen aurkako porrota (4-1) aztertu du, neurketa amaitutakoan.
Realak porrota jaso du Real Madrilen aurka (4-1)
Donostiako taldeak emaitza gogorrarekin galdu du Santiago Bernabeun, talde zuriari ordubetez ondo eutsi ostean. Mbappek hat trick batekin eta Viniciusek sartu ditzute zurien golak, eta Sucicek egin du txuri-urdinena.