Astillero eta Zumaia arraunaren maila gorenean lehiatuko dira datorren denboraldian
Emakumezkoen arraunaren maila gorenera igotzeko Portugaleteko uretan jokatutako bigarren eta azken estropadan, larunbatean Bermeon egin zuen bezala, Astillero nagusitu da, Zumaiako Telmo Deun ontziak baino segundo bat gutxiago, Chapelak baino hiru gutxiago eta Cabok baino 17 gutxiago eginda.
Play-offeko 1. jardunaldian, Bermeon, Astillero nagusitu zen erlojupeko parekatuan, 12 ehunen aterara Zumaiari, 13 segundo Chapelari eta 26 Cabori. Horrela, Kantabriako trainerua puntu abantailarekin atera da bigarren jardunaldian.
Bi jardunaldien emaitzei erreparatuta, eta puntu batuketa eginda, Euskotren Ligan izango dira datorren denboraldian Astillero eta Telmo Deun.
Lehenengo ziabogan, Chapela izan da nagusi, 05:17 segundoko denborarekin, Zumaia eta Astilleroren aurretik; izan ere, Zumaiak eta Astillerok 05:19ko denbora egin dute. Cabok, berriz, 7 segundo gehiago behar izan ditu.
Bigarren eta azken luzean, ostera, Astillerok atzetik aurrera egin du, eta denborarik onena egin du helmugan: 12 minutu, 43 segundo eta 6 ehunen. Zumaiak ere estropada bikaina egin du, eta ia denbora bera egin du, segundo bat gehiago behar izan baitu. Irabazleak ia 4 segundo atera dizkio Chapelari, eta 20 Cabori.
Bi jardunaldietako emaitzei erreparatuta, eta puntu batuketa eginda, Astillerok 8 puntu pilatu ditu, Zumaiak 6, Chapelak 4 eta Cabok 2.
Ondorioz, Astillero eta Zumaia Euskotren Ligan lehiatuko dira datorren denboraldian. Chapela eta Cabo, aldiz, ETE Ligan arituko dira berriro.
Zure interesekoa izan daiteke
Bost Gereñotar San Juanen traineruan
Igoera lortu eta gero, San Juaneko emakumezkoen trainerua Euskotren Ligan lehiatuko da berriro datorren denboraldian. Gereñotarrek eragin handia izan dute emaitza horretan.
2025eko Euskotren Ligako play-offeko bigarren jardunaldia: San Juanen estropada, traineru barrutik ikusita
San Juan gailendu da Euskotren Ligako play-offean Portugaleten. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Nicole Maroño (Donostiarra): ''Lehen hiru postuetan sartuta, errazago izango genuke iganderako''
Donostiarrak irabazi du 2025eko Euskotren Ligako play-offeko aurreneko jardunaldia, Bermeon. Patroiak nabarmendu duenez, Portugaleten igandean jokatuko dutena beste lehiaketa bat izango da: "Ez da nahikoa bost puntu hauekin".
Zierbena eta Tolosaldea gailendu dira Getariako Ikurrinan
Zierbena eta Tolosaldea izan dira garaile Getariako uretan, baina, ikurrina irabazteaz gain, galipoak piztu egin dira Kontxaren atarian. Donostia Arraun Lagunak txapeldunak, berriz, Euskotren Liga eskuratu du hirugarren urtez segidan, laugarrenez bere historian.
2025eko Euskotren Ligako egutegia
Emakumezkoen txapelketa uztailaren 5ean hasiko da Bilboko Banderarekin, eta abuztuaren 24an amaituko da, Getariako II. Ikurrinarekin.
Zuberoa Egurrola, Arraun Lagunakeko tostetan egonkortuta
Zuberoa Egurrola Hondarribian zebilen 2024ra arte, baina Juan Mari Etxaberen deia jaso zuen, eta Arraun Lagunak Ligako txapeldunak fitxatu egin zuen; orain arte, estropada guztietan izan da.
Tolosaldeak inpugnatu egingo du Castroko estropada, Arraun Lagunaken deskalifikazioa eskatzen baitu
Euskotren Ligako 8. jardunaldian, Arraun Lagunakek hiru segundoko zigorra izan zuen; izan ere, Lugañene Tolosaldearen kalean sartu zen, eta epaileak bizpahiru aldiz ohartarazi zion Arraun Lagunaki. Tolosako klubak baieztatu duenez, estropada inpugnatuko du.
Arraun Lagunakek lidertza berreskuratu du, Getxoko Ikurrina irabazita
Pasa den astean Juan Mari Etxaberen ontziak kolpea jaso bazuen, gaur Euskotren Ligako lidertza eskuratu du berriro ere, Arraun Lagunak garaile atera baita Getxoko estropadan.
Denboraldiko laugarrena Arraun Lagunakentzat
Donostia Arraun Lagunak nagusi izan da Gertu Eraikuntzak Banderan ere. Orio, aldiz, bosgarrenez izan da bigarren. Hibaikak Zumaiaren denbora hobetu du, eta, ondorioz, igandean ohorezko txandan izango da.
2025eko Euskotren Ligako Sestaoko Bandera: Orioren estropada, traineru barrutik ikusita
Orio geratu da bigarren 2025eko Sestaoko Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.