Orio nagusitu da Bueun, Zierbenarekin lehia estua izanda azkeneraino
Oriok denboraldiko 13. garaipena lortu du larunbat honetan, Galiziako uretan lehiatu den Eusko label Ligako Bueuko Banderan. Garaipen oso borrokatua izan da, Zierbenak azken metroetaraino eutsi baitio, baina San Nikolas ontzia nagusitu da azkenean, eta garaipen bakarrera du liga orain.
Orio eta Zierbena parez pare joan dira eta batera egin dute lehen ziaboga. Estropadaren burua aldatzen joan da; Zierbena joan da aurretik lasterketa erdian zehar, baina Oriok aurrea hartu dio hirugarren luzean, segundo bateko aldearekin bakarrik. Azken metroetaraino lehiatu dira, baina Orio nagusitu da azkenean, berriro, Zierbena baino bi segundo lehenago helmugaratuta. Urdaibai 19 segundora iritsi da, eta Donostiarra 41era.
Lehen txandan, Ondarroa, Ares, Kaiku eta Cabo atera dira. Ondarroak beti izan du abantaila txiki bat, eta bigarren ziabogatik aurrera handitzen joan da. 20:48ko denbora eginda bukatu du lana. Ares 8 segundora iritsi da, Kaiku 11ra eta Cabo 30era.
Bigarren txandan, Getariak eta Hondarribiak lehia estua izan dute, eta Lekittarra eta San Juan atzerago geratu dira, borrokatik kanpo. Haizea aurka izan dute itzuliko luzeetan, eta horrek asko zaildu du arraunlarien lana. Getariak aurrea hartu du, eta, 20:43ko denbora eginda, Ondarroaren denbora gainditu duen traineru bakarra izan da. Hondarribia 11 segundora iritsi da, Lekittarra 18ra eta San Juan 29ra.
Zure interesekoa izan daiteke
Hamaseigarren bandera irabazita biribildu du Oriok denboraldia
Portugaleteko Bandera ere bereganatuta, marka guztiak hautsi ditu Oriok aurten, Eusko Label Liga eta Kontxa poltsikoratuta.
Gorka Aranberri: ''Oriok egindako denboraldiari 10ekoa jarriko nioke''
Oriok irabazi du Portugaleteko Bandera, eta Eusko Label Ligan aurten 16. bandera eskuratu eta errekor guztiak hautsi ditu horrela. "Oriok egindako denboraldiari 10ekoa jarriko nioke", esan du Gorka Aranberri patroiak.
Gogoz ospatu dute oriotarrek Kontxa bereganatu izana
Oriok 33. Kontxako Bandera eskuratu du, eta zaleek ez dute aukera galdu merezi bezala ospatzeko.
Oriok hogeita hamahirugarrenez irabazi du Kontxa
Iker Zabalaren gizonek erabateko nagusitasuna erakutsita eskuratu dute Kotxako Bandera. Aurten Eusko Label Liga irabazi ondoren, 33. aldiz irabazi du Kontxako Bandera Oriok.
Gorka Aranberri: ''Kontxako hamargarren bandera hau beretzat doa, Joxe Marirentzat''
Orioko patroiak Kontxako hamargarren bandera eskuratu du igande honetan. "Hamargarren bandera beretzat doa, Joxe Marirentzat", adierazi du Aranberrik erabat hunkituta.
Gorka Aranberri: ''Zigorra jarri badigute jartzekoa izango zen, onartu eta listo''
Oriori hiru segundoko zigorra jarri diote epaileek, estropada hastear zegoela euren zodiaca behar ez zen tokian zegoelako, eta, ondorioz, Zierbena gailendu da lehen jardunaldian, 10 ehunenengatik izan bada ere.
Oriotarrek harrera beroa egin diete Eusko Label Ligako txapeldunei
Oriok 2025eko Eusko Label Ligako txapela lortu du Galiziako uretan, 14 estropada irabazita. Etxean zain izan dituzte zaleak, lorpena batera ospatzeko.
Oriok Eusko Label Liga irabazi du, Aresko Bandera eskuratuta
Eusko Label Ligak kolore horia hartu zuen ia hasieratik, eta denboraldia biribiltzeko Kontxa eta azken bi estropadak falta direla, Oriok Liga eskuratu du matematikoki, Aresko Bandera bereganatuta. Iker Zabalaren kuadrillak Urdaibairen errekorra berdindu du.
Ibon Arruti, Orioko arraunlaria: ''Liga irabazita, Kontxara begira gaude''
Oriok irabazi du Eusko Label Liga, Aresko Bandera bereganatuta. Denboraldi osoan erakutsi duen nagusitasunarekin gailendu da San Nikolas ontzia Galiziako uretan. "Ez dago atsedenik. Liga irabazita, Kontxara begira gaude", adierazi du Ibon Arruti Orioko arraunlariak.
Oriok irabazi du Eusko Label Liga, Aresko Bandera bereganatuta
Orio zen Liga irabazteko faborito nagusia, eta nagusitasun handiz gailendu da. Galiziako uretan, Urdaibai izan da bigarrena eta Donostiarra hirugarrena. Bestalde, Cabo bigarren mailara jaitsiko dela baieztatu da.