Bezperan galdutakoa berreskuratu du Urdaibaik, Boiroko Bandera irabazita
Urdaibaik irabazi du igande honetan jokatu den Eusko Label Ligako Boiroko Bandera (Galizia), Donostiarra izan da bigarrena eta Zierbena hirugarrena. Larunbatean, Zierbena nagusitu zen Ribeiran, eta gaur bermeotarrek kolpea itzuli diote, indar erakustaldia eginda; izan ere, kalerik okerrena egokitu zaio Bou Bizkaiari, eta atzetik aurrera egin behar izan du bandera bereganatzeko.
Lehendabiziko txandan, Hondarribia, San Pedro, Bueu eta Kaiku atera dira. Hondarribia hasieratik nabarmendu da, eta Kaiku trabatuta geratu da bigarren ziabogan. Maniobra oso txarra egin dute bizkaitarrek, eta denbora asko galdu dute. Hor amaitu da estropada Kaikurentzat, minututik gorako galera izan baitu.
Hondarribiak lan bikaina egin du, eta 20 minutu eta 16 segundoko denborarekin bukatu du estropada. San Pedro izan da bigarrena (+30), Bueu hirugarrena (+39) eta Kaiku azkena (+1:18).
Bigarren txandan, Ondarroa, Getaria, Lekittarra eta Cabo aritu dira. Ondarroa berehala jarri da buruan, eta palakadak eman ahala, abantaila nahikoa hartu dute, helmugan aise nagusitzeko (20:38). Alabaina, ez dira gai izan Hondarribiak lehen txandan egindako denbora (20:16) hobetzeko. Cabo izan da bigarrena (+7), eta ondoren sartu dira Lekittarra (+11) eta Getaria (+15).
Ohorezko txandan, Orio, Donostiarra, Zierbena eta Urdaibai Hondarribiak ezarritako denbora hobetzeko helburuarekin atera dira. Lehendabiziko ziabogaren ostean, Donostiarra jarri da aurrean; 2 segundora zihoazen Zierbena eta Urdaibai, eta laura Orio. Hirugarren luzean, baina, Urdaibaik aurrera egin du, eta azken ziabogan Donostiarra harrapatu du eta 6 segundoko aldea atera dio Zierbenari.
Azken luzea emozio handikoa izan da. Urdaibai eta Donostiarraren artean egon da bandera, eta bermeotarrak nagusitu dira azkenean, 20 minutu eta 7 segundoko denborarekin. Bou Bizkaiak 3 segundoko aldea atera dio Donostiarrari, 8 segundokoa Zierbenari eta 10 segundokoa Oriori.
Gauzak horrela, Urdaibaik bereganatu du Boiroko Bandera, Donostiarra izan da bigarrena eta Zierbena hirugarrena. Hondarribiak laugarren tokian amaitu du, eta, ondorioz, hurrengo jardunaldian ohorezko txandan lehiatuko da.
Eusko Label Ligako sailkapen nagusiari dagokionez, Urdaibaik sendo eusten dio lidertzari, eta zuloan sartuta segitzen du Bueuk.
Zure interesekoa izan daiteke
Jon Salsamendi, Urdaibairen entrenatzailea: ''Ez gaude konforme lortutakoarekin''
Urdaibaiko entrenatzailea, Jon Salsamendi, ez dago gustura egindako denboraldiarekin, ez emaitzekin, egunerokoan bizi duenarekin baizik. Kontatu digunez, daukaten onena ateratzea lortu ez izanaren sentsazioa du taldeak.
Manu Bernardez, bizikletan jauziak egitea maite duen arraunlaria
Urdaibain arraun egiteaz gain, bizikletan jauziak egitea gustuko du Manu Bernardezek. Bideo honetan erakustaldi txiki bat egin du.
Urdaibaiko arraunlari bati arrauna puskatu zaio
Mikel Calleja arraunlariari arrauna puskatu zaio Eusko Label Ligan, Orio Kanpina Banderako bigarren txandan.
2025eko Eusko Label Ligako Fabrika Bandera: Urdaibairen estropada, ontzi barrutik ikusita
Urdaibai bigarren izan da Eusko Label Ligako Fabrika Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Bermeo-Urdaibai egungo txapeldunaren helburuak, Jon Salsamendiren arabera
Jon Salsamendi Bermeo-Urdaibaiko entrenatzailea elkarrizketatu du Ana Ramosek Kirolen tartean. Eusko Label Ligako egungo txapeldunak sasoi berrirako dituen helburuez hitz egin du besteak beste.
Salsamendi (Bermeo-Urdaibai): ''Bermeon ez dago espekulatzerik, traineru azkarrena edukitzen saiatuko gara''
Jon Salsamendi Bermeo-Urdaibairen entrenatzaileak EITB Mediarekin hitz egin du 2025eko denboraldian izango dituzten helburuez. Besteak beste, azpimarratu du ez daudela udako emaitzekin obsesionatuta.