San Pedro eta Bueu igo dira Eusko Label Ligara; Santurtzik maila galdu du
San Pedro eta Bueu Eusko Label Ligan lehiatuko dira datorren denboraldian eta Santurtzik maila galdu du. Igande honetan, irailaren 17an, Portugaleten (Bizkaia) erabaki dira maila gorenerako igoerak, baita bigarren mailarako jaitsiera ere.
Play-offeko bigarren jardunaldian San Pedro izan da onena eta lehenengoan ere garaipena bereganatu zuenez, Gipuzkoako taldeak maila gorenera igotzea lortu du. Igoera lortu duen beste taldea Bueu izan da. Galiziarrak laugarren izan dira bigarren jardunaldian, baina lehenengoan bigarren izan zirenez, mailaz igotzea lortu du.
Bestalde, igotzetik oso gertu geratu da Lapurdi. Iparraldeko traineruak estropada bikaina egin du Portugaleten, bigarren amaituta. Ondorioz, play-offeko bi jardunaldietako puntuak batuta, sailkapen nagusian 6na punturekin berdinduta geratu dira Lapurdi eta Bueu. Hala, bada, berdinketa hausteko bi egunetako denboren batuketa egin da, eta Bueuk amaitu du bigarren. Galiziakoek 40:20ko denbora pilatu dute bi jardunaldietan; Euskal Herrikoen marka, aldiz, 40:23koa izan da.
Banan-banan abiatu dira Portugaleteko urtean play-offeko bost taldeak. Santurtzi izan da lehena irteten eta ondoren abiatu dira Lapurdi, Ares, Bueu eta San Pedro. Lehen luzean Santurtzi izan da onena, Lapurdiri segundo 1 aterata, Bueuri 2, San Pedrori 3 eta Aresi 4. Bigarren ziabogan, ordea, San Pedro izan da lehena, Santurtziri, Lapurdiri eta Bueuri 3na segundo sartut hurenez hurren.
Traineruek lan erdiak zituzten egiteke oraindik eta dena zegoen erabakitzeke. San Pedrok estropadaren buruan jarraitu du 3. ziabogako maniobraren ostean. Hala, azken luzeari ekin dio Santurtzirekiko 5 segundoko abantailarekin, Lapurdi eta Bueurekiko 6koarekin eta Aresekiko 9koaekin.
Ez du erritmoa murriztu San Pedrok azken txanpan eta bigarren jardunaldia irabazi du 19:59.76ko markarekin. Lapurdi izan da bigarren 4 segundora, Santurtzi hirugarren 5era, Bueu laugarren 6ra eta Ares bosgarren 12ra.
Horrenbestez, play-offeko sailkapen nagusiko lehen postua San Pedrorentzat izan da, 12 puntu pilatuta. Bueu egin da bigarren postuarekin 6 punturekin. Hirugarren postua Lapurdirentzat (6 puntu) izan da. Iparraldeko taldeak Galiziakoak baino hiru segundo gehiago pilatu ditu bi eguneko markak batuta eta horrexegatik geratu da Bueu baino postu bat beherago.
Santurtzi eta Ares izan dira laugarren eta bosgarren hurrenez hurren, 4na punturekin, baina Bizkaiko taldeak bi segundo sartu dizkio Galiziakoari bi jardunaldietako denboren batuketaren ostean. Hala ere, Santurtzik ezin izan dio mailari eutsi.
Play-offeko 2. jardunaldiko sailkapena:
Play-offeko 2 jardunaldietako sailkapen bateratua:
Zure interesekoa izan daiteke
2025eko Eusko Label Ligako play-offeko bigarren jardunaldia: Chapelaren estropada, traineru barrutik ikusita
Eusko Label Ligara igotzeko play-offean, Chapelak maila gorenerako txartela lortu du Portugaleten. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Hamaseigarren bandera irabazita biribildu du Oriok denboraldia
Portugaleteko Bandera ere bereganatuta, marka guztiak hautsi ditu Oriok aurten, Eusko Label Liga eta Kontxa poltsikoratuta.
Gorka Aranberri: ''Oriok egindako denboraldiari 10ekoa jarriko nioke''
Oriok irabazi du Portugaleteko Bandera, eta Eusko Label Ligan aurten 16. bandera eskuratu eta errekor guztiak hautsi ditu horrela. "Oriok egindako denboraldiari 10ekoa jarriko nioke", esan du Gorka Aranberri patroiak.
2025eko Eusko Label Ligako egutegia
Gizonezkoen traineru txapelketa nagusia uztailaren 5ean hasiko da, Bilbon, XVI Bilboko Bandera, eta irailaren 21ean amaituko da, Portugaleten, LV GP-LI El Corte Ingles Banderarekin.
Elortegi: ''Burua gutxika-gutxika altxatu behar''
Kaikuko entrenatzailea penatuta azaldu da traineruak maila galdu ondoren. Bere mutilek dena eman dutela nabarmendu du, baina taldearentzat jaitsiera porrota dela.
Alexander Esteban: ''Ongi egindako lanaren saria jaso dugu''
Santurtzi Eusko Label Ligan lehiatuko da datorren denboraldian, igande honetan amaitu den play-offean lehen postua lortuta. "Ondo egindako lanaren saria jaso dugu", esan du Alexander Esteban Soterako entrenatzaile eta arraunlariak.
Markel Lujua (Santurtzi): ''Ondo joan gara, gure estropada egin dugu, badakigu azkarrak garela''
2025eko Eusko Label Ligako play-offeko lehenengo jardunaldian, Santurtzi gailendu da. Estropada amaitu ostean, Markel Lujua patroiak adierazi du taldeak ez duela "presioa" sentitu, eta eskerrak eman dizkie zaleei: "Santurtzi osoa hemen dago".
Oriotarrek harrera beroa egin diete Eusko Label Ligako txapeldunei
Oriok 2025eko Eusko Label Ligako txapela lortu du Galiziako uretan, 14 estropada irabazita. Etxean zain izan dituzte zaleak, lorpena batera ospatzeko.
Oriok Eusko Label Liga irabazi du, Aresko Bandera eskuratuta
Eusko Label Ligak kolore horia hartu zuen ia hasieratik, eta denboraldia biribiltzeko Kontxa eta azken bi estropadak falta direla, Oriok Liga eskuratu du matematikoki, Aresko Bandera bereganatuta. Iker Zabalaren kuadrillak Urdaibairen errekorra berdindu du.
Ibon Arruti, Orioko arraunlaria: ''Liga irabazita, Kontxara begira gaude''
Oriok irabazi du Eusko Label Liga, Aresko Bandera bereganatuta. Denboraldi osoan erakutsi duen nagusitasunarekin gailendu da San Nikolas ontzia Galiziako uretan. "Ez dago atsedenik. Liga irabazita, Kontxara begira gaude", adierazi du Ibon Arruti Orioko arraunlariak.