Iker Zabalak Urdaibai entrenatuko du
Iker Zabalak (Bermeo, 1979) Urdaibai entrenatzeko ardura hartuko du datorren denboraldian, Santurtziko Soteran bost urte eman ostean, azken bietan izugarrizko maila erakutsi eta gero, gainera.
Izan ere, Kontxako Bandera eta Eusko Label Liga irabazi berriak besapean dituela itzuliko da Zabala bere jaioterrira, ligaren kasuan, jarraian kateatzen duen bigarrena hain zuzen ere, 2020koaren ondoren.
2017an ekin zion entrenatzaile lanari Santurtzin Zabalak, Itsasoko Ama KAE2 mailan zegoela Alabaina, negu horretan, KAE1era igotzeko parada izan zuen Oiartzunek trainerua atera ez zuelako. Denboraldi horretan, KAE1eko txapeldunorde geratu zen Donostiarraren atzetik, baina igoera play-offetan lehen postua eskuratu eta TKE ligara igo zen. Ordutik aurrera, maila gorenean jardun du talde morearekin. Hasierako hiru urteetan entrenatzaile zein arraunlari gisa aritu zen bertan, eta azken bietan entrenatzaile gisa baino ez.
Horrenbestez, hemendik aurrera Bermeoko klubari goranzko bultzada ematea izango da bizkaitarraren asmorik nagusiena, Bou Bizkaiaren azken hiru urte irregularrak atzean uzteko xedearekin (6. postuan amaitu dute ligan aurten, eta 3.ean eta 5.ean, 2020an eta 2019an, hurrenez hurren, garaipen gutxi lortuta).
Arrakastaz beteriko palmaresa
Zabalak palmares aparta bildu du bere kirol ibilbidean zehar, arraunlari zein entrenatzaile gisa:
Zazpi Eusko Label Liga: bost Urdaibairekin arraun egiten (2004, 2007, 2008, 2010 eta 2016) eta beste 2 Santurtzirekin, entrenatzaile gisa (2020 eta 2021).
Zazpi Kontxako Bandera: bost Urdaibairekin arraun egiten (2010, 2011, 2014, 2015 eta 2016), beste bat Castrorekin (2006) eta azkena Santurtzirekin, entrenatzaile gisa (2021).
Zabalak Urdaibairako bidea egin aurretik, Jon Elortegi "Txapas"ek Bou Bizkaiako entrenatzailea izateari utzi dio. Elortegik Juan Zunzuneguiren lekua hartuko du Zierbenan, zeinak zortzi denboraldi galipoen traineruan eman ostean, Galiziara itzuliko den.
Zure interesekoa izan daiteke
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Iker Zabala Orioren entrenatzailea elkarrizketatuko dugu, gaur gauean, ETB1en
Oriok 2025eko Eusko Label Liga irabazi du, bai eta Kontxako Bandera ere. Entrenatzailea 20:35etik aurrera izango da Kirolak saioko platoan, ETB1en.
Santurtzik eta San Juanek herritarren harrera beroaz gozatu dute
Bi traineruak maila gorenera igo dira asteburu honetako play-offean garaile atera ondoren, eta gogotik ospatu dute herritarrekin.
Santurtzi, Chapela, San Juan eta Donostiarra goi-mailan arituko dira datorren denboraldian
Emakumezkoen play-offean, San Juan nagusitu da Portugaleteko uretan, eta Bantxa ontzia bigarren izan da. Gizonezkoetan, berriz, Santurtzi eta Chapela Eusko Label Ligan lehiatuko dira datorren denboraldian, igande honetan bukatu den play-offean lehen bi postuak eskuratu ondoren.