Azken hasperenean irabazi dio Oriok Eusko Label Ligako garaile birtualari
Urdaibaik automatikoki ziurtatu du Eusko Label Ligako garaipen birtuala, bermeotarrek laugarren egitearekin ere nahikoa zuten arren, bigarren egin dute etxeko Ikurrinan, Oriorekin bizitako azken lehia estuaren ondoren. Zazpigarren liga du Joseba Fernandezek gidatzen duen taldeak.
Igande honetan Portugaleten jokatu den "El Corte Ingles" Ikurrina soilik falta da Ligari amaiera emateko eta Bou Bizkaia traineruak 16 puntu atera dizkio jada Hondarribiari, hortaz, matematikoki bigarrenak ez luke Urdaibai gainditzeko aukerarik izango.
"San Nikolas" traineru oriotarrak irabazi du larunbat honetan jokatu den Bermeoko Ikurrina, eta honekin batera, hiru dira denboraldi honetan erdietsitako garaipenak. Gainontzeko biak, Orion bertan eta Zarauzko bigarren jardunaldian irabazi zituelarik. Segundotik gora atra dio Urdaibairi Oriok, eta 15 segundo Hondarribiari.
Cabok irabazi du bestalde, estropadako aurreneko txanda eta jardunaldiko laugarren denborarik onena egin du. Donostiarra bestalde, bosgarren izan da eta Santurtzi eta Zierbenak bakoitzak bere txandan, baina biek ala biek denbora bera egin dute. Bukatzeko, Ondarroak itxi du estropadaren sailkapena.
Bermeoko XXXVI Ikurrinako sailkapena:
1. Orio 20.41:16
2. Urdaibai 20.42:68
3. Hondarribia 20.56:96
4. Cabo 20.57:26
5. Donostiarra 21.03:32
6. Santurtzi 21.04:04
7. Zierbena 21.04:04
8. Ondarroa 21.12:22
Eusko Label Ligako sailkapena:
1. Urdaibai 201
2. Hondarribia 185
3. Zierbena 176
4. Orio 168
5. Santurtzi 133
6. Cabo 129
7. Donostiarra 107
8. Ondarroa 93.
Zure interesekoa izan daiteke
2025eko arraun denboraldiaren laburpena
Orioko gizonezkoen traineruak historiako denboraldia burutu du, 16 garaipen eskuratuta. Emakumezkoen estropadetan, Arraunlagunak nagusitu da Euskotren Ligan, Donostiako Banderan, Gipuzkoakoan eta Espainiakoan. Liga nagusietan, Kaikuko eta Caboko gizonezkoek maila galdu dute, eta gauza bera gertatu zaie Hondarribiko emakumeei.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Iker Zabala Orioren entrenatzailea elkarrizketatuko dugu, gaur gauean, ETB1en
Oriok 2025eko Eusko Label Liga irabazi du, bai eta Kontxako Bandera ere. Entrenatzailea 20:35etik aurrera izango da Kirolak saioko platoan, ETB1en.
Santurtzik eta San Juanek herritarren harrera beroaz gozatu dute
Bi traineruak maila gorenera igo dira asteburu honetako play-offean garaile atera ondoren, eta gogotik ospatu dute herritarrekin.
Santurtzi, Chapela, San Juan eta Donostiarra goi-mailan arituko dira datorren denboraldian
Emakumezkoen play-offean, San Juan nagusitu da Portugaleteko uretan, eta Bantxa ontzia bigarren izan da. Gizonezkoetan, berriz, Santurtzi eta Chapela Eusko Label Ligan lehiatuko dira datorren denboraldian, igande honetan bukatu den play-offean lehen bi postuak eskuratu ondoren.
Mikel Olazabalen agurra, bere azken arraun emanaldiaren ostean
Mikel Olazabal EITBko kazetariak agur esan die arraun emanaldiei, 42 denboraldiren ostean. Honela esan du agur, bere azken emanaldian.