Hondarribiak Urdaibai gainditu, eta Zarauzko Ikurrina irabazi du
Hondarribiak Zarauzko Ikurrina eskuratu du, bigarren jardunaldian Urdaibaik larunbatean lortutako 8 segundoko aldea iraulita. Hala ere, Oriok eman du ustekabea, pronostikoen kontra denborarik onena lortuta.
Garaipenerako aukerak estropada osoan zehar egon dira irekita, eta traineru gehienek maila altua eman dute.
Bermeokoek alde garrantzitsua zuten, 8 segundokoa, Hondarribiarrekiko, eta larunbatean emandako irudi onak, batez ere ziabogetan, aurkariei aukerarik emango ez zizkiela ematen zuen.
Baina bigarren jardunaldia bestelakoa izan da. Hondarribia nagusi izan da ohorezko txandan. Begi bat Oriok bigarrenean egindako denboran zuen, eta bestea, bere aurkari Urdaibain.
'Ama Guadalupekoa' aurretik zein atzetik ibili da, eta Urdaibai gertu izan du beti. Bermeokoek ez diote erraz jarri.
Azken luzean, Urdaibai gertuen zegoenean, Gipuzkoako traineruak olatu ona hartu du helmugatik 200 metrora, eta azkenean 12 segundo sartu dizkio faboritoari.
Oriok ez du aurkaririk izan bere txandan, bigarrenean. Larunbatean denbora txarra lortu zuen, baina igandean jardunaldiko 12 puntuak eskuratu ditu.
Lehenengo txandan, San Juanek, agian taldekideen Ligako garaipena hauspotuta, denboraldiko estropadarik onenetariko bat egin du, eta Tiran atzerago utzi du sailkapen nagusian azkena ez izateko borrokan.
ZARAUZKO IKURRINAREN SAILKAPEN NAGUSIA
1. Hondarribia 40:02
2. Urdaibai +3
3. Orio +16
4. Zierbena +25
5. Cabo +50
6. Santurtzi +56
7. Donostiarra +1:01
8. Ondarroa +1:10
9. San Pedro +1:21
10. San Juan +1:29
11. Tiran +1:53
12. Kaiku +2:23
EUSKO LABEL LIGAKO SAILKAPEN NAGUSIA
1. Urdaibai 166 (7 banderas)
2. Hondarribia 157 (3)
3. Zierbena 150 (1)
4. Orio 137 (1)
5. Santurtzi 110
6. Cabo 107 (1)
7. Donostiarra 88
8. Ondarroa 76
9. San Pedro 60
10. Kaiku 52
11. San Juan 35
12. Tiran 31
Zure interesekoa izan daiteke
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".