Zierbenak kolpea eman du berriro eta Ondarroako Banderan gailendu da
Zierbenak denboraldiko lehen garaipena lortu du Eusko Label Ligan Ondarroako Bandera irabazita, estropada gorabeheratsu eta eder batean. Bizkaitarrek azken metroetan ziurtatu dute lehen postua, Oriorekin lehia estua izaten ari zirenean olatu baten bultzada erabakigarria jaso ostean.
Ohorezko txanda zirraragarria izan da. Lehen metroetan Urdaibaik alde nabarmena atera die aurkariei, eta bazirudien dena alde izango zuela beste garaipen bat lortu eta ligako lidergoa sendotzeko. Baina lehen ziabogaren ostean, Bou Bizkaia atzean geratzen hasi da eta beste hirurek, Hondarribiak, Oriok eta Zierbenak aurrea hartu diote.
Azken luzean, eta Urdaibai oso atzean geratuta, garaipena beste hiru traineruen artean jokatu da. Garaipena bizkaitarrentzat izan da, azken metroetan olatu ona hartu eta Oriori bi segundo atera ostean. Hondarribia zortzi segundora sartu da eta Urdaibia ia 20 segundora.
Santurtzi eta San Pedro
Estropadako bosgarren tokia Santurtzirentzat izan da. Sotera bigarren txandan nagusitu da, Caborem, Ondarroaren eta Donostiarraren aurretik. Santurtziarrak jaun eta jabe izan dira.
Lehenengo txandan garaipena San Pedrorentzat izan da, Kaiku bigarren sartu da, Tiran hirugarren eta San Juan laugarren.
Urdaibaik Eusko Label Ligako lehen postuan jarraitzen du.
Zure interesekoa izan daiteke
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".