Oriok ezustekoa eman du bere banderan, eta San Juanek geldiezin jarraitzen du
Oriok garaipen ederra eta ikusgarria lortu du Eusko Label Ligan, aurtengo edizioan lortzen duen lehenengoa. Urdaibai liderra hirugarren izan da, baina, hala ere, sendo jarraitzen du sailkapeneko lehen postuan.
Ohorezko txandako lau ontziek erakustaldi ikusgarria amen dute, batez ere azken luzean, eta Oriok eta Zierbenak bereziki.
Jon Salsamendiren mutilek duela gutxi egin zuten jauzia onenen txandara, baina gaur beste zerbait nahi zuten, askoz gehiago etxean egonda.
Galipoak ere aspaldi dabiltza bandera bila. Zeresanik ez, Urdaibai eta Hondarribia ere kinieletan zeuden.
Hala, azken maniobrara lau segundoan heldu dira laurak. Hortik aurrera hondarribiarrek amore eman dute, Urdaibai nahi eta ezinean ibili da, orain bai, gero ez, eta benetako borroka, bikaina eta estua, Zierbena eta Orioren artekoa izan da.
Bazirudien Bizkaia aldera joango zela trapua, baina azken kolpean Gorka Aranberrik kendu dio Borja Gomezi helduta zeukan saria.
Cabo izan da laugarren, lehen txandan lan ona egin ondoren eta San Juan gero eta beherago dago.
Euskotren Liga
Euskotren Ligako estropada oso ezberdina izan da. Batelerek ez dute ustekaberako zirrikiturik utzi eta gaur ere bandera astindu dute.
Etxean egoteak ematen duen indarra ez da nahikoa izan Orioko traineruarentzat. Egia da talde pasaiatarra estutu egin dutela, baina harentzat izan da garaipena hiru segundo gutxiagorekin.
Zure interesekoa izan daiteke
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".