Hondarribiak irabazi du Kontxako Bandera
Hondarribia izendatu da 2013ko Kontxako Banderako txapeldun. Garaipen polemikoa lortu dute gipuzkoarrek, Urdaibai deskalifikatu egin baitute.
Bermeoko trainerua izan da onena bigarren jardunaldiko estropadan, baina epaileek Urdaibai deskalifikatzea erabaki dute. Itzulerako luzean Urdaibai Hondarribiaren kalean (laugarren kalean) sartu da, eta bi taldeen arraunek talka egin dute. Momentuan epaileek ez dute erabakirik hartu, eta Urdaibaik bukatu du estropada lehen postuan. Estropada amaituta, ordea, Hondarribiak helegitea aurkeztu du, epaileak batzartuta egon dira, eta irudiak ikusi ondoren Urdaibai deskalifikatu, eta Hondarribiari eman diote garaipena.
Bigarren jardunaldiko estropada
Kontxako Banderaren bigarren jardunaldiko estropadan Urdaibaik izan da lehen sailkatua 19:22.43ko markarekin. Orio bigarren izan da segundu bat baino gutxiagora, eta Hondarribiak bukatu du estropada hirugarren postuan irabazlearekiko segundo bakarrera. Kaiku laugarren izan da, baina denbora dexente galduta.
Hondarribiak aurkeztutako helegitearen ondoren, eta Urdaibai deskalifikatu ostean, Orio izan da bigarren jardunaldiko estropada irabazi duen taldea. Oriotarrek, ordea, Urdaibairekiko hiru segundoko desabantaila zeukaten lehen jardunalditik. Ondorioz, Hondarribia izendatu da txapeldun.
Harrera astelehenean izango da.
Zure interesekoa izan daiteke
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.