Mosconek bigarren garaipena lortu du eta Simon Yatesek lidergoari eutsi dio
Gianni Moscon (Ineos) italiarra esprintean gailendu zaio Felix Grobschartner austriarrari (Bora Hansgrohe), Imst eta Naturns artean jokatu den Alpeetako Tourreko hirugarren etapan, 162 kilometroko ibilbidea egin ondoren.
Mosconek (27 urte) bigarren garaipena lortu du lasterketan, lehendabiziko etapan ere bera nagusitu baitzen. Esfortzu biziko jardunaldia bete du Ineoseko txirrindulariak, hasierako ihesaldian sartu delako, jazarpenari eutsita, azkenerako Grobschartnerren aurretik igaro du eta helmugako marra, alde txikiarekin izan bada ere. Michael Storer (DSM) australiarra izan da hirugarren, segundo batera.
Jarraian, Pello Bilbao (Bahrain) zihoan txirrindulari talde bat heldu da, eta horrek sailkapen nagusian jauzi handia egitea ahalbidetu dio bizkaitarrari, 48 segundoko aldea atera baitio Simon Yates (BikeExchange) liderraren taldeari.
Dena den, britainiarrak ez du arazorik izan lidergoari eusteko; izan ere, 45 segundoko aldea ateratzen dio Pavel Sivakov (Ineos) errusiarrari eta 1:04 Pello Bilbaori.
Ostegun honetan 168,6 kilometro dituen laugarren etapa jokatuko dute, Naturns eta Pieve di Bono artean. Txirrindulariek puntuagarriak diren bi mendate igo beharko dituzte: batetik, 1. mailako Passo Campo Carlo Magno (14,4 kilometro, % 6ko batez bestekoarekin) eta, bestetik, helmugatik 8 kilometrora kokatuta egongo den 2. mailako Boniprati (9,1 kilometro, % 6,5ko batez bestekoarekin).
1 - MOSCON Gianni (INEOS) 4:04:25
2 - GROßSCHARTNER Felix (BORA) 0:00
3 - STORER Michael (DSM) 0:01
4 - FABBRO Matteo (BORA) 0:01
5 - DE MARCHI Alessandro (Israel) 0:01
6 - NIBALI Antonio (Trek) 0:01
7 - BIDARD François (AG2R) 0:01
8 - BILBAO Pello (Bahrain) 0:01
9 - SÁNCHEZ Luis León (Astana) 0:01
10 - PERNSTEINER Hermann Bahrain) 0:13
Zure interesekoa izan daiteke
Laboral Kutxa-Euskadik igande honetan hasiko du denboraldiaurrea, Altean
2026ko denboraldiko taldea osatzen duten hamabost txirrindulariak Alacanteko udalerrian bilduko dira, abenduaren 14tik 21era bitartean.
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".