CaixaBank Mastersa uztailaren 19an hasi eta urriaren 6ean amaituko da
Eskuz binanako 2024ko Caixabank Mastersa uztailaren 19tik urriaren 6ra jokatuko da, astearte honetan egindako aurkezpenean zehaztu dutenez.
Zortzi bikote arituko dira lehian datozen hilabeteotan: Altuna III.a-Iztueta, Ezkurdia-Albisu, Zabala-Imaz, P. Etxeberria-Mariezkurrena II, Laso-Tolosa, Artola-Rezusta, Peña II.a-Zabaleta eta Jaka-Martija. Final laurdenetako ligaxkarekin abiatuko da txapelketa, Aretan (Laudio), Altuna III.a-Iztueta eta Jaka-Martija bikoteak aurrez aurre izango dituen neurketan. Fase hau irailaren 8an amaituko da; jarraian, play-offen txanda izango da, irailaren 13an eta 15ean.
Finalaurrekoak urriaren 4an iritsiko da Nafarroa Arenara. Azkenik, final handiak ere agertoki bera izango du, urriaren 6ean. Orduan jakingo dugu zein bikotek hartuko duen Ezkurdia eta Mariezkurrena iazko irabazleen lekukoa.
Zure interesekoa izan daiteke
Enara Gaminde: ''Oso pozik nago Euskal Herria hor goian ipintzeagatik; harrotasuna sentiarazten dizu''
Bi txapela irabazi ditu Enara Gamindek Nazioen Ligan. Buruz buru nagusitu eta hamar minutura berriro kantxaratu zen Olatz Arrizabalagarekin batera, binakako txapela eskuratuz. Tamalez, eskuzko emakumezkoen finalak ez ziren ofizialak izan.
Euskal Selekzioak bi garaipenekin eman dio hasiera Nazioen Ligari
Esku-pilotan, Arrizabalagak eta Gamindek Zabaleta eta Capellan (Espainiako selekzioa) menderatu dituzte emakumezkoen eskuz binakako estreinako partidan (4-10 eta 6-10). Pala motzean, aldiz, Gaubekak eta Imanolek hiru setetan garaitu dute Frantzia (14-15, 15-12 eta 3-10).
Jaka eta Iztueta, San Mateo Torneoko txapeldunak
Jakak eta Iztuetak 18-22 irabazi diete Altuna eta Ezkurdiari San Mateo Torneoko finalean. Partidako lehen zatia oso parekatua izan da, baina hortik aurrera bikote urdina jaun eta jabe izan da.
Altuna eta Ezkurdia, San Mateo Torneoko finalera pauso irmoz (22-8)
Altunak eta Ezkurdiak 22-8 gainditu dituzte Peña II.a eta Salaverri II.a San Mateo Torneoko finalerdian, gorriek errazegi konpondu duten partida ez oso ikusgarri batean.
Jaka eta Iztueta Larrazabal eta Mariezkurrena baino gehiago izan dira Logroñon (22-13)
Erik Jaka eta Martxel Iztueta 22-13 gailendu zaizkie Iker Larrazabali eta Jon Mariezkurrenari Logroñoko Adarraga pilotalekuan jokatu duten partidan, eta, horrenbestez, lehen puntua bereganatu dute San Mateo torneoko ligaxkan.
Artolak eta Salaverrik Zubizarreta eta Albisu garaitu dituzte San Mateo torneoan egoteko (22-15)
Artolak eta Salaverrik 22-15 garaitu dituzte Zubizarreta eta Albisu San Mateo torneoko kanporaketan. Hasieran urdinek partida bideratu duten arren, ez dira erritmoari eusteko gai izan eta gorriek emaitza irauli dute garaipena lortzeko.
Zabalak eta Mariezkurrenak Altuna eta Imaz garaitu dituzte CaixaBank Masterseko finalean (15-22)
Bikote urdinak ondo hasi du partida, eta abantaila erosoa lortu du, baina eskertu egin du azken tantoetan nekea nabaritzen hasi direnean.
Mariezkurrena: ''Partiduan ondo sartu gara, eta horrek asko lagundu digu''
Jon Mariezkurrena eta Javier Zabalaren adierazpenak, CaixaBank Masters txapelketa irabazi ondoren.
2025eko CaixaBank Masterseko sailkapena, emaitzak eta egutegia
Txapelketa uztailaren 18ko asteburuan hasi eta irailaren 14an amaituko da, eta finala Iruñean jokatuko da.
Zabala eta Mariezkurrena, CaixaBank Masterseko txapeldunak!
Bikote urdinak 15-22 irabazi die Altunari eta Imazi partida oso bizian. Tanto luzeak jokatu dituzte eta asko borrokatu dira txapela lortzeko.