X. Bizkaia Torneoa ekainaren 16an abiatuko da
Bizkaia Torneoaren hamargarren edizioaren nondik norakoak aurkeztu dituzte astearte honetan. Aipatu txapelketa taldeka jokatzen den bakarra da, eta 24 pilotarik hartuko dute parte, sei multzotan banatuta. Talde bakoitzak Bizkaiko mendi baten izena hartuko dute, eta hiru modalitatetan jokatuko dute: binaka, lau eta erdikoan eta buruz buru. Honako hauek dira taldeak:
Anboto
Laso-Albisu (Binaka), Peña II (4 ½), Alberdi II (Buruz buru).
Ganekogorta
Elordi-Zabaleta (Binaka), Dario (4 ½), Egiguren V (Buruz buru).
Gorbeia
Larrazabal-Mariezkurrena II (Binaka), Agirre (4 ½), Bakaikoa (Buruz buru).
Kolitza
Ezkurdia-Rezusta (Binaka), P.Etxeberria (4 ½), Zabala (Buruz buru).
Oiz
Urrutikoetxea-Imaz (Binaka), Artola (4 ½), Alberdi I (Buruz buru).
Sollube
Altuna II-Martija (Binaka), Salaberria (4 ½), Victor (Buruz buru).
Final-laurdenetako kanporaketekin hasiko da torneoa; ondoren, finalerdiak jokatuko dituzte, eta azkenik finala. Kanporaketak ekainaren 16an (Mallabia eta Zierbena), ekainaren 17an (Abadiño, Matiena) eta ekainaren 18an (Durango) jokatuko dira. Finala abuztuaren 22an izango da, Bizkaia Frontoian, Bilboko Aste Nagusiarekin batera.
Final-laurdenetako kanporaketak:
Ekainak 16 (Mallabia): Kolitza-Ganekogorta
Ekainak 16 (Zierbena): Oiz-Gorbeia
Ekainak 17 (Abadiño): Sollube-Mallabiko irabazlea
Ekainak 18 (Durango): Anboto-Zierbenako irabazlea
Zure interesekoa izan daiteke
Enara Gaminde: ''Oso pozik nago Euskal Herria hor goian ipintzeagatik; harrotasuna sentiarazten dizu''
Bi txapela irabazi ditu Enara Gamindek Nazioen Ligan. Buruz buru nagusitu eta hamar minutura berriro kantxaratu zen Olatz Arrizabalagarekin batera, binakako txapela eskuratuz. Tamalez, eskuzko emakumezkoen finalak ez ziren ofizialak izan.
Euskal Selekzioak bi garaipenekin eman dio hasiera Nazioen Ligari
Esku-pilotan, Arrizabalagak eta Gamindek Zabaleta eta Capellan (Espainiako selekzioa) menderatu dituzte emakumezkoen eskuz binakako estreinako partidan (4-10 eta 6-10). Pala motzean, aldiz, Gaubekak eta Imanolek hiru setetan garaitu dute Frantzia (14-15, 15-12 eta 3-10).
Jaka eta Iztueta, San Mateo Torneoko txapeldunak
Jakak eta Iztuetak 18-22 irabazi diete Altuna eta Ezkurdiari San Mateo Torneoko finalean. Partidako lehen zatia oso parekatua izan da, baina hortik aurrera bikote urdina jaun eta jabe izan da.
Altuna eta Ezkurdia, San Mateo Torneoko finalera pauso irmoz (22-8)
Altunak eta Ezkurdiak 22-8 gainditu dituzte Peña II.a eta Salaverri II.a San Mateo Torneoko finalerdian, gorriek errazegi konpondu duten partida ez oso ikusgarri batean.
Jaka eta Iztueta Larrazabal eta Mariezkurrena baino gehiago izan dira Logroñon (22-13)
Erik Jaka eta Martxel Iztueta 22-13 gailendu zaizkie Iker Larrazabali eta Jon Mariezkurrenari Logroñoko Adarraga pilotalekuan jokatu duten partidan, eta, horrenbestez, lehen puntua bereganatu dute San Mateo torneoko ligaxkan.
Artolak eta Salaverrik Zubizarreta eta Albisu garaitu dituzte San Mateo torneoan egoteko (22-15)
Artolak eta Salaverrik 22-15 garaitu dituzte Zubizarreta eta Albisu San Mateo torneoko kanporaketan. Hasieran urdinek partida bideratu duten arren, ez dira erritmoari eusteko gai izan eta gorriek emaitza irauli dute garaipena lortzeko.
Zabalak eta Mariezkurrenak Altuna eta Imaz garaitu dituzte CaixaBank Masterseko finalean (15-22)
Bikote urdinak ondo hasi du partida, eta abantaila erosoa lortu du, baina eskertu egin du azken tantoetan nekea nabaritzen hasi direnean.
Mariezkurrena: ''Partiduan ondo sartu gara, eta horrek asko lagundu digu''
Jon Mariezkurrena eta Javier Zabalaren adierazpenak, CaixaBank Masters txapelketa irabazi ondoren.
2025eko CaixaBank Masterseko sailkapena, emaitzak eta egutegia
Txapelketa uztailaren 18ko asteburuan hasi eta irailaren 14an amaituko da, eta finala Iruñean jokatuko da.
Zabala eta Mariezkurrena, CaixaBank Masterseko txapeldunak!
Bikote urdinak 15-22 irabazi die Altunari eta Imazi partida oso bizian. Tanto luzeak jokatu dituzte eta asko borrokatu dira txapela lortzeko.