Altuna da 4 t'erdiko lehen finalista (12-22)
Jokin Altunak Oinatz Bengoetxea kanporatu du 2020ko Lau t’erdiko Txapelketako lehendabiziko finalerdian (12-22), eta, hartara, Amezketako aurrelaria da datorren astean Bilboko Bizkaia Frontoian jokatuko den finalera sailkatu den lehendabiziko pilotaria.
Sakea Bengoetxea VI.ari egokitu zaio, baina Altuna III.a izan da lehendabiziko tanto sorta egin duena (0-3). Dena den, aurrelari nafarrak berehala hartu dio neurria neurketari, eta 7 tanto lortu ditu erreskadan, markagailuan aurretik jartzeko (7-3). Leitzakoa eroso sentitzen zen kantxan eta erraztasunez bukatzen izan ditu tantoak.
Ondoren, Aspeko pilotariaren txanda heldu da, eta lehiako lehen oreka iritsi da (7-7). Tartean, 7-4koarekin, Bengoetxeak kolpe txar bat hartu du Altunaren sakeari erantzun nahian, min hartu du eskuineko eskuan eta aldageletara joan behar izan du. Dena den, 8-7 aurreratzea lortu du berriro. Hala ere, Amezketakoa jokoan sendoagoa zela zirudien, eta hiru tanto kateatu ditu 8 eta 10 aurretik jartzeko.
Jarraian, Bengoetxea tanto batera jarri da (9-10), baina irudipena besterik ez da izan, pilotari gipuzkoarra erakustaldia ematen hasi baita, eta erabat hautsi du norgehiagoka 10 tanto bata bestearen atzetik eginda, fisikoki eta jokoz gehiago zela baliatuta (9-20).
Tanto trukaketa etorri da ondoren, Bengoetxeari emaitza zertxobait txukuntzeko balio izan diona, baina Altunak ez du asko itxaron behar izan 22ra ailegatu eta final handirako sailkapena bereganatzeko (12-22).
Horrenbestez, Altuna bosgarren urtez segidan Lau t’erdiko finalean izango da, historian orain arte sekula lortu ez duena.
Bere aurkaria igande honetan Joseba Ezkurdiak eta Erik Jakak Astelena pilotalekuan jokatu behar duten bigarren finalerditik aterako da.
Partidako markagailua, tantoz tanto: 0-1, 0-2, 0-3, 1-3, 2-3, 3-3, 4-3,5-3, 6-3, 7-3, 7-4, 7-5, 7-6, 7-7, 8-7, 8-8, 8-9, 8-10, 9-10, 9-11, 9-12, 9-13, 9-14, 9-15, 9-16, 9-17, 9-18, 9-19, 9-20, 10-20, 11-20, 11-21, 12-21, 12-22.
Zure interesekoa izan daiteke
Peio Etxeberria, finalaren biharamunean: ''Oso pozik nago hau lortuta''
Peio Etxeberria da lau t'erdiko txapelduna, atzoko finalean Javi Zabala mendean hartuta. Nola sentitzen den kontatu du biharamunean.
Harrera beroa egin diote Peio Etxeberria txapeldunari
Lau T'erdiko txapeldun berriaren zain egon dira lagunak eta familia, denek batera gogoz ospatzeko txapela.
2025eko Lau t'erdiko Txapelketaren egutegia eta emaitzak
Urriaren 3tik azaroaren 16ra bitartean jokatuko dute.
Peio Etxeberriak aurrenekoz irabazi du Lau t'erdikoa, finalean Zabala menderatuta (22-11)
Errioxarrak ekin dio hobeto partidari, baina, 2-4kotik, nafarra gehiago izan da, eta aise gailendu. Horrenbestez, Peio Etxeberriak lehen aldiz bereganatu du txapela Lau t'erdikoan.
Javi Zabala: ''Peio Etxeberriak oso ondo jokatu du paretatik, oso luze; ezin izan dut haren lekutik atera''
Naiarako pilotariak 2025eko Lau t'erdiko finala galdu du, 22-11, Peio Etxeberria aurkari. Norgehiagokaren ostean, Zabalak adierazi du gakoetakoa izan dela nola, 2-4koan, nafarrak buelta eman dion egoerari (adierazpenak, gaztelaniaz).
Peio Etxeberria: ''Tentsioa nuen, lehen tantoa oso gogorra izan da; saiatu naiz egiten hona ekarri nauena''
Zenoztarrak 2025eko Lau t'erdiko Txapelketa irabazi du, final handian Javi Zabala 22-11 mendean hartuta. Partida amaitutakoan, Peio Etxeberriak onartu du kosta egin zaiola hasieran Zabalari aurre egitea, eta, hunkituta, egunerokoan aldamenean izaten dituenak gogoratu ditu.
Peio Etxeberriak Lau t’erdiko Txapelketa irabazi du, finalean Zabala aise menderatuta (22-11)
Zenoztarrak Javi Zabala mendean hartu du, errioxarrak partidari nafarrak baino hobeto eutsi badio ere, igandean jokatu duten finalean; hala, Lau t’erdikoan lortu duen lehenengo txapela bereganatu du, 2023an eta 2024an txapeldunorde amaitu eta gero.
Nork irabaziko du finala, gure adituen arabera?
Egun bat besterik ez da falta Peio Etxeberriaren eta Javier Zabalaren arteko final handirako. Finalaren atarian, gure adituengana jo dugu euren iritzia jakiteko.
Peio Etxeberria eta Javier Zabala, final oso ireki bateko lehen txapelaren bila
Azken bi edizioetan finalista izateak Zenozko pilotaria faborito egin du pronostikoetan, lehen mailan titulurik ez duen baina sekulako progresioa izan duen Zabalaren aurka. Finala eitb.eus-en izango da ikusgai, igande honetan, 16:30etik aurrera.
Titin III: ''Javierrek final handia egingo duelakoan nago''
18 urte geroago, pilotari errioxar batek berriro eraman lezake Lau t'erdiko txapela. 2007an azkenengoz balentria hori lortu zuen pilotari errioxarrarekin izan gara, Augusto Ibañez, Titinekin. Bihotzeko gaitz bat igarota, frontoietan bueltan da berriz.