Jokin Altuna eta Aitor Elordi, Buruz Buruko txapelaren bila
Jokin Altunak eta Aitor Elordik jokatuko dute Buruz Buruko Txapelketako finala, ekainaren 4an. Final handia zuzenean eskainiko dute eitb.eus-ek eta ETB1ek, 17:00etatik aurrera.
Igandekoa banakako lehen finala izango da Elordirentzat. Bizkaiko pilotariak Binakako Txapelketa irabazi zuen Jose Javier Zabaletarekin bikotea osatuta; hala, goi-mailako bere lehen titulu handia bereganatu zuen, Unai Laso-Ander Imaz bikoteari finala irabazita (22-13).
Altunarentzat, aldiz, banakako enegarren finala izango da ekainaren 4koa: txapela jantzi zuen 2018an eta 2021ean; 2018an, Aimar Olaizolari irabazi zion finala (22-14), eta 2021ean, Beñat Rezusta hartu zuen mendean (22-5). Rezustak Iñaki Artola ordezkatu zuen final hartan. 2020an, ordea, galdu egin zuen Erik Jakaren kontra (22-20) eta iazko finala (2022koa) Unai Lasok irabazi zion (22-7).
Altuna III.ak eta Elordik elkarren aurka jokatu dute txapelketako final-laurdenetako ligaxkan. Biak ala biak A multzoan lehiatu ziren, eta bigarren jardunaldiko neurketan, Jokin Altuna nagusitu zitzaion Aitor Elordiri, 22-18ko emaitzarekin. Gipuzkoarrak A multzoko lider moduan egin zuen jauzi finalerdietara; bizkaitarrak, aldiz, A multzoko bigarren sailkatu gisa.
Elordiren finalerainoko ibilbidea
Hasiera batean, Aitor Elordi ez zuten Buruz Buruko Txapelketan sartu, baina Jose Javier Zabaletak min hartu zuenez, Mallabikoak ordezkatu zuen.
Final-zortzirenetan, Mikel Urrutikoetxea mendean hartu zuen Aitor Elordik (11-22), eta final-laurdenetarako sailkatu zen. Final-laurdenetako ligaxkako lehen jardunaldian, Elordik irabazi egin zion Danel Elezkanori (22-19), baina bigarren jardunaldiko neurketa galdu egin zuen Jokin Altunaren kontra (22-18). Hirugarren eta azken jardunaldian, ordea, garaipena bereganatu zuen Unai Lasoren aurka (16-22), eta finalerdietarako sailkatu zen.
Finalerdietan, Elordi nagusi izan zen Dario Gomezen aurkako lehian (15-22), eta hala lortu zuen finalerako txartela.
Altunaren finalerainoko ibilbidea
Jokin Altunak final-laurdenetako ligaxkan ekin zion Buruz Buruko Txapelketari, eta Unai Laso menderatu zuen lehen partidan (9-22). Bigarren jardunaldian, Aitor Elordiri irabazi zion (22-18), eta finalerdietarako txartela bermatu zuen horrela. Ligaxkako azken jardunaldian, irabazi egin zuen, Danel Elezkanoren kontra (12-22).
Finalerdietan, Joseba Ezkurdia izan zuen aurkari. Amezketakoa Arbizukoa aise menderatuta sailkatu zen finalera (12-22).
Zure interesekoa izan daiteke
Azken finalak eta Buruz Buruko palmaresa
Retegi II.a, hamaikarekin, da Banakako Txapelketa gehien irabazi dituen pilotaria.
Jokin Altuna 2025eko Buruz Buruko txapeldunaren biharamuna
Jokin Altuna da 2025eko Buruz Buruko Txapelketako irabazlea. Hala, bada, Amezketakoak bigarrenez jarraian jantzi du banakako txapela, 2024an ere garaipena bereganatu baitzuen. Txapela lortu osteko egunean EITB Mediarekin hitz egin du.
Artolak Alegiako herriari eta bere zaleei opatutako bertso polita, Buruz Buruko finala galdu ostean
Iñaki Artolari harrera egin zioten Alegian, bere herrian, Altunaren aurka Buruz Buruko Txapelketako finala galdu ostean. Eskerrak emateko, Artolak bertsoa opatu zien.
Artolak bertsotan eskertu die herrikideei jasotako babesa
Jendetza bildu da bart Alegian Iñaki Artola Buruz Buruko txapeldunordeari harrera egiteko. Artolak bertsotan eskertu du jasotako harrera eta babesa.
Harrera beroa egin diote Altunari Amezketan, finalaren ostean
Laugarren Buruz Buruko txapela irabazi ostean, pozik iritsi da Jokin Altuna Amezketara. Herritar eta zale mordoa zituen zain, harrera egiteko prest.
Jokin Altunak laugarrenez irabazi du Buruz Burukoa, finalean Iñaki Artola mendean hartuta (22-19)
Maila handiko partida izan da, bikaina eta ikusgarria, bi protagonistek indar handiz jokatu baitute. Artola 15-19 izan da aurretik, baina amezketarrak finaleko azken zazpi tantoak egin ditu, eta txapela eskuratu du.
Iñaki Artola: ''Txapel bat lortzeko aukera oso ona galdu dudala uste dut''
Buruz Buruko finalean, Bilbon, Jokin Altunak Iñaki Artola menderatu du, 22-19. Amezketarrak bata bestearen atzean egin ditu partidako azken zazpi tantoak. Neurketa amaituta, Artolak esan du Binakako finalaren ostean izan zuen sentsazio berbera duela. (Adierazpenak, gaztelaniaz)
Altunak hil berri den lagun bati eskaini dio txapela
Jokin Altuna pozik eta harro azaldu da Buruz Buruko txapela irabazi ostean. Oso final gogorra izan dela onartu du, eta txapelketan asko lagundu dion eta orain gutxi hil den lagun bati eskaini dio txapela.
Jokin Altunaren aita: ''Ikaragarria, nau 'destrozau', emozioz beteta''
Joaquin Altunak emozio handiz bizi izan du Jokin semeak Buruz Burukoan irabazitako laugarren txapela. Harmailetan ondoan izan duen ikusle argentinar batekin izandako anekdota bat ere kontatu digu.
Poza eta malkoak Jokin Altunaren azken tantoan
Jokin Altunak 2025eko Buruz Buruko txapela irabazi du, Bizkaia frontoiko finalean Iñaki Artola garaituta (22-19). Ikusi nola egin duen azken tantoa eta ondorengo ospakizuna!