Binakako Txapelketako finalerdietako ligaxkarako txartelak jokoan, otsailaren 20tik 23ra artean
Otsailaren 20tik 23ra artean 2024-2025 Binakako Txapelketako finalerdietako ligaxkarako bi txartel egongo dira jokoan. Tolosan, Zornotzan eta Eibarren jokatuko dira play-offetako norgehiagokak.
Hilaren 20an, ostegunean, Artola-Mariezkurrena II eta Elordi-Zabaleta bikoteak ariko dira nor baino nor gehiago Beotibar pilotalekuan. Txapelketako hasierako ligaxkan 3. eta 4. postuetan amaitu duten bikoteak lehiatuko dira Tolosan; irabazleak finalerdietako ligaxkarako sailkatuko dira. Partida zuzenean emango dute eitb.eus-ek eta ETB1ek, 16:50etik aurrera.
Ostiralean, otsailaren 21ean, sailkapenean 5. eta 6. geratu ziren Jaka-Imaz eta Peña II-Albisu bikoteek neurtuko dituzte indarrak, Zornotzan. Garaileek hilaren 23an ere partida bat jokatu beharko dute finalerdietara sailkatzeko, osteguneko neurketako galtzaileen kontra. Jaka-Imaz vs Peña II-Albisu norgehiagoka ere ikusgai izango duzu, zuzenean, eitb.eus-en eta ETB1en, 22:10etik aurrera.
Finalerdietako ligaxkarako azken txartela hilaren 23an egongo da jokoan, Astelenan. Otsailaren 20ko partidako galtzaileak hilaren 21eko neurketako irabazleen aurka lehiatuko dira. Eibarko pilotalekuko partida zuzenean izango duzu ikusgai eitb.eus-en eta ETB1en, 17:05ean.
Zure interesekoa izan daiteke
Binakako Txapelketako finalaurrekoak abiatuko dira asteburuan, Altuna-Ezkudia vs Elordi-Zabaleta partidarekin
Ezkurdia ondoezik, gainerako hiru pilotariek hartu dute parte astearte goizean Donostian egindako pilota-aukeraketan. Hala, Altunak, Elordik eta Zabaletak hautatu dute asteburuan erabiliko duten materiala. Emaitza- zein joko-bolada onean iritsiko dira hitzordura.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.
Altunak eta Ezkurdiak finalerdietarako txartela lortu dute, Zabala eta Martijari 22-12 irabazita
Joseba Ezkurdiak, atzelari lanetan, txapelketako bere partidarik onena egin du. Neurketaren bigarren erdian are eta nagusiago izan dira gipuzkoarra eta nafarra. Javi Zabalak eta Julen Martijak bigarren aukera bat izango dute sailkapena lortzeko.
Laso eta Albisuren marka ikaragarria, 13 garaipen 14 jardunalditan
Unai Laso eta Jon Ander Albisu sekulako ligaxka eginda iritsiko dira Binakako Txapelketako finalerdietara. Atzo 22-20 irabazita, 13 garaipen lortu dituzte 14 jardunalditan. Azken bederatzi urteetako ligaxketako markarik onena.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Landa atzelari gazteak Mariezkurrenaren lekua hartuko du play-offetan, berriozartarra lesionaturik dabil eta
Larrazabalekin batera, Jaka eta Iztuetaren aurka jokatuko du datorren ostiralean, otsailak 20, Zornotzan. Irabazten baldin badute, igandean, Arrasaten, Berriozarko atzelariaren lekua hartuko luke berriro. Neurketa horretan Zabala-Martija vs Altuna-Ezkurdia partidako bikote galtzailea izango dute aurrean.
Elordik eta Zabaletak erraz irabazi diete Jakari eta Iztuetari (13-22)
Elordik eta Zabaletak 13-22 menderatu dituzte Jaka eta Iztueta Binakako Txapelketako 14. jardunaldiako partidan, Altsasun. Bikote urdinak berriro erakutsi du txapelketako bikoterik sendoenetakoa dela, Lasok eta Albisuk osatzen duten bikotearekin batera.
Altunak eta Ezkurdiak 4. postua ziurtatu dute Larrazabal eta Eskiroz garaituta (22-15)
Altunak eta Ezkurdiak 22-15 garaitu dituzte Larrazabal eta Eskiroz Binakako Txapelketako 14. jardunaldian. Garaipen horri esker, 4. laugarren postua ziurtatu dute, eta ostegunean Zabalaren eta Martijaren aurka jokatuko dute play-offeko partida.
Zabalak eta Martijak garaipenarekin bukatu dute Binakako ligaxka (20-22)
Zabalak eta Martijak 20-22 garaitu dituzte Peña eta Imaz Binakako Txapelketako 14. Jardunaldian. Ez zegoen ezer jokoan, baina bikoteak hurrengo faserako duen sendotasuna erakutsi du.