Goikoetxea V-Barrenetxea IV eta Aldabe-Azpiroz bikoteak garaile 'Erremontari'ko irekiera-jardunaldian
Goikoetxea V-Barrenetxea IV (Oialume Zar) eta Aldabe-Azpiroz (Petritegi) bikoteek irabazi dituzte "Erremontari" saioko 1. jardunaldiko lehen partidak. Urriza-Martirena (Alorrenea) eta Ansa II-Zaldua (Aburuza) menderatu dituzte, hurrenez hurren.
2023ko edizioa berrikuntzekin dator; izan ere, Jai Alai Winter Seriesen ezagututako seten formatua ikusiko dugu Galarretan. Hortaz, bi set jokatuko dira, 15 tantora. Bikote bakoitzak set bat irabaziko balu, hirugarren set bat jokatuko da, 5 tantora.
Lehen partida Urriza-Martirena (Alorrenea) eta Goikoetxea V-Barrenetxea IV (Oialume Zar) bikoteek jokatu dute. Gorriak 4-2 aurreratu dira markagailuan. Hala ere, bikote urdinak sakea berreskuratu duenean, markagailua irauli du atsedenaldi laburrera 8-4 aurretik joateko. Urdinak 11-5 aurreratu dira gero, baina azken tantoa egitea kostatu egin zaie; izan ere, 14. tantoa egin eta gero, gorriek beste bi egitea lortu dute Oialume Zarrekoek seta itxi aurretik (15-7).
Bigarren setean ere, urdinak gailendu dira. Gorriak, baina, 3-0 aurreratu dira. Tantoak tartekatuz, 5-5 berdindu da markagailua. Seina eta zazpina ere berdindu dute, eta 8. tantoa gorrien aldekoa izan da, atsedenaldira aurretik heltzeko balio izan diena. Lehen zatian legez, Barrenetxeak sakea berreskuratu duenean, bikote urdinak min handia egin du. Gorriak 9-7 aurreratu diren arren, urdinek berdinketa lortu, eta aurrea hartu dute: 11-9. Urrizak eta Martirenak ez dute amore eman, eta berdinketa eskuratu dute beste behin (11-11). Azkenean, 15-12ko markagailuarekin, Gipuzkoako bikoteak poltsikoratu ditu bigarren seta eta partida, eta, bide batez, 4 puntu eskuratu ditu.
Bigarren norgehiagokan, Ansa II-Zaldua (Aburuza) eta Aldabe-Azpiroz (Petritegi) aritu dira aurrez aurre. Gorriak 3-0 eta 5-1 aurreratu dira lehen setaren hasieran. Urdinak defentsan sendotu eta Ansa partidatik kanpo utziz, 7-0eko partzialarekin, 8-5 aurreratu dira. Atsedenaldiaren ostean, lan gehiago izan dute urdinek tantoak egiteko, baina 15-9 irabazi dute lehen jokoa.
Hurrengo setean, 2-2 eta 3-3 berdindu ondoren, 5-3 aurreratu dira urdinak; gorriek, baina, berdintzea lortu dute. Urdinek, gero, 3-0eko partzialarekin, atsedenaldira aurretik heltzea lortu dute bigarrenez. Setaren amaiera gogorra eta parekatua izan da: 9-9, 11-11 eta 12-12. Imanol Ansa urnietarra jokoan sartu da orduan, eta bi pareta dotore batekin lehenik, errebotera bidalitako pilotakada batekin gero eta berak landutako tanto baten ondoren etorri den atzelari urdinaren hutsarekin azkenik, bigarren seta irabazi dute gorriek, "Erremontari"ko lehen set erabakigarria behartzeko.
Partida ixteko, hirugarren setean urdinak 5-1 nagusitu dira. Azken tantoan, lekuz kanpo harrapatu ditu Aburuzakoak, eta ezin izan dute ezer egin porrota ekiditeko. Gauzak horrela, Petritegiko bikoteak 3 puntu bildu ditu; Aburuzakoak, berriz, 1.
Zure interesekoa izan daiteke
Irribarrea kendu ezinik jarraitzen dute Aldabe eta Barrenetxea ''Erremontari''ko txapeldunek
Kemen Aldabek eta Endika Barrenetxeak "Erremontari" saioko txapelak jantzi zituzten, Urrizari eta Larrañagari irabazita. Oraindik ere irribarrea nabari zaie aurpegian.
Hauek dira 2025eko ''Erremontari'' saioko finaleko tantorik onenak
Barrenetxea IV.ak, Aldabek eta Urrizak egin zituzten, astelehenean, txapelketako finaleko tantorik onenak.
Kemen Aldabe eta Endika Barrenetxea, 2025eko "Erremontari" saioko txapeldunak
Final handian, astelehenean, Javi Urriza eta Iban Larrañaga menderatu dituzte, bi jokotan, 9-15 eta 7-15.
Urrizak ezin izan zuen bere azken finala irabazi
Javier Urrizak ezin izan zuen bere azken finala eskuratu, "Erremontari" saioko azken hitzorduan Kemen Aldabe eta Endika Barrenetxearen aurka galdu baitzuen, Larrañaga bikote zuela. Hilaren 28an hartuko du erretiroa.
Javi Urriza: ''Polita da azken partida hau bezalako final bat izatea, denok nahi baitugu hemen egon''
"Erremontari" saioko finalean txapela lortu ezin izan badu ere, aurrelari iruindar mitikoa harro dago, parte hartu duen azen txapelketan garaipena lortzeko lehian izan baita; Urrizak hilaren 28an hartuko du erretiroa.
Kemen Aldabek eta Endika Barrenetxeak ''Erremontari'' saioko txapelak jantzi dituzte
Galarretan jokatutako finala amaituta, Aldabe eta Barrenetxea IV.a podiumera igo dira, eta txapelak jaso dituzte. Urriza eta Larrañaga txapeldunordeak izan dira.
Endika Barrenetxea, 2025eko ''Erremontari'' saioko pilotaririk onena
Txapela janzteaz gain, atzelari hernaniarrak lortu du, "Erremontari" saioan, Pilotari Onenarentzako saria. EITBko Joseba Urkiolak eta Amane Ibañezek eman diote golardoa.
Aldabe eta Barrenetxea IV.a: ''Urrizari afari askotan aterako diogu azken finala irabazi diogula''
Kemen Aldabe eta Endika Barrenetxea oso pozik azaldu dira, "Erremontari" saioko final handian gailendu baitira. Biek nabarmendu dute "ohorea" izan dela Javi Urriza handiaren azken finalean parte hartu izatea, bai eta, nola ez, txapela eskuratzea ere.
Urriza-Larrañaga vs Aldabe-Barrenetxea IV.a 2025eko ''Erremontari'' saioko finaleko azken tantoa
Kemen Aldabe eta Endika Barrenetxea bi jokotan gailendu dira, 9-15 eta 7-15, eta, horrenbestez, titulua eskuratu dute.
2025eko "Erremontari" saioko txapelketako sailkapenak, emaitzak eta egutegia
Txapelketak zortzi jardunaldi izango ditu guztira: ligaxkako bost, play-offeko bat, finalerdietako bat, eta ekainaren 16an jokatuko den finala. Partidak astelehenero izango dira ikusgai ETB1en eta eitb.eus-en.