Alavesek berdinketa lortu du Getaferen aurka azken minutuetan (1-1)
Alavesek gol bakarrera berdindu du Getaferen aurka Mendizorrotzan jokatu den Santander Ligako 17. jardunaldiko partidan. Emaitza honekin, talde gasteiztarrak jaitsiera gunetik kanpo jarraitzen du.
Enes Ünal turkiarrak aurretik jarri ditu madrildarrak 20. minutuan eta Getafek 85.era arte eutsi dio markagailuari, Joselu Matok Alavesen berdinketa lortu duenean.
Partida oso bizia izan da, etenaldi ugarirekin eta bi taldeentzat aukera gutxirekin, bata bestearengandik hiru puntura mantentzen direlarik.
Alavesek menderatu du erasoko ekintzetan, baina ez da David Soriaren atera iritsi. Getafek jo du lehenengo.
Madrildarren lehen aukeran, Enes Ünal turkiarrak 0-1ekoa egin du partida hasi eta 20 minutura, Damian Suarezek ondo aprobetxatu duen Arabako taldearen galera baten ostean.
Javi Callejaren taldeari kosta egin zaio jokaldiak bukatzea eta ia ez da jokalari desorekaturik agertu.
Alaves indartsuago zelairatu da atsedenaldiaren ostean. Minutuek aurrera egin ahala, Javi Callejaren mutilek gora egin dute eta 60. minutuan Victor Laguardiak buruz barkatu du Manu Garciaren pasea.
Arabarrak berdinketaren bila joan dira, eta baloiak esekitzen hasi dira, Joselu Matok 86. minutuan berdinketa lortu duen arte.
Fitxa teknikoa
1 - Alaves: Pacheco; Martin (Toni Moya, 79. min), Laguardia, Lejeune, Duarte (Sylla, 79. min); Loum, Pons (Edgar Mendez, 65. min), Manu García; Pellistri (Iván Martín, 46.min), Rioja (Javi López, 88. min) eta Joselu.
1 - Getafe: Soria; Damian (Iglesias, 66. min), Djene, Mitrovic, Cuenca, Olivera; Aleña (Poveda, 83. min), Maksimovic, Arambarri, Sandro (Mata, 46. min) eta Enes Ünal (Jankto, 74. min).
Golak: 0-1, 20.min: Enes Ünal. 1-1. 87.min: Joselu.
Epailea: Soto Grado. Txartel horia atera dio Lejeuneri 92. minutuan, baita Aguirregabiria (45. min), Mitrovic (41. min), Arambarri (45. min), Mata (68. min) eta Soria (81. min) jokalariei ere.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.