Alavesek aurrera egin du Kopan, Unami mendean hartuta
Alavesek irabazi egin du Unamiren aurka (0-3) asteazken honetan Segovian jokatu duen Errege Kopako lehen kanporaketako partida, eta aurrera egin du txapelketan.
Arabako taldea nagusi izan da hasieratik, eta Unami behin gerturatu da Sivera atezainak babestutako atera. Lehiako 14. minutuan izan du lehen abagune argia Alavesek, baina Manu Garciaren jaurtiketak zutoina jo du. Ondoren, 31.ean, Unamiko atezainak gola eragotzi du, Syllaren errematea desbideratuta. Lau minutu geroago, atepetik atera du baloia atezainak, Ivan Martinen errematea sare barrura sartzea eragotzita.
Baloiaren jabe izan da Alaves, abagune argiak izan ditu golak sartzeko, baina bigarren zatia golik gabeko berdinketarekin hasi da. Gasteizko taldea erasokor ibili arren, kostatu egin zaio gola egitea. Pellistrik area kanpotik egin duen jaurtiketari erantzun bikaina eman dio atezainak 55.ean, eta, 65.ean, Guidettik jarri du 0-1ekoa markagailuan; Luis Riojak jokaldi ona egin, eta aurrelari suediarrak ez du barkatu aurkariaren ate aurrean.
Unami berdinketaren bila jotzen saiatu da gola hartu ostean; hala ere, ez da gai izan aurkariaren ate inguruan arriskua sortzeko. 82. minutuan, Alavesek partida erabakita utzi du Syllak sartu duen golarekin (0-2). Gainera, 91. minutuan, Luis Riojak Alavesen garaipena biribildu du, 0-3koa sartuta.
Fitxa teknikoa:
0 - Unami CP: Chema, Cámara (Marcelo, 63. min), Adrián (Ousama, 86. min), Vicente, Jorge, Ruben, De la Cruz (Terleira, 50. min), Quino, Prieto, Chechu (Brañas, 86. min) eta Koby (Varo, 86. min).
3 - Alaves: Sivera, Saul Garcia, Tachi, Miazga, Javi Lopez (Abqar, 46. min), Manu García, Balboa (Rioja, 61. min), Ivan Martin (Toni Moya, 61. min), De la Fuente (Pellistri, 46. min), Sylla eta Guidetti (Mendes, 83. min).
Golak: 0-1, 65. min: Guidetti. 0-2, 82. min: Sylla. 0-3, 91. min: Luis Rioja.
Epailea: Ortiz Arias. Txartel horiak atera dizkie Jorge, Javi de la Cruz eta Chechu Unamiko jokalariei, baita Unamiko entrenatzaileari eta De La Fuente Alaveseko futbolariari ere.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.