Celtak Alavesen bolada ona eten du (1-2)
Celtak, Santi Minaren eta Iago Aspasen golekin, Alavesen bolada ona eten du Mendizorrotzako Estadioan, elurrarekin jokatu den Santander Ligako hamabosgarren jardunaldiko norgehiagokan.
Minak aurretik jarri du Galiziako taldea 11. minutuan; hala ere, handik gutxira, (21. minutuan) Joselu Matok lehia berdindu du. Edgar Mendezek barneraldia egin du hegaletik, haren erdiraketa buruz ukitu du Luis Riojak eta Joseluk sarera bultzatu baino ez du egin behar izan.
Gol horrekin etxekoen aurrelariak Javi Morenorekin berdindu du, Lehen Mailan gol gehien sartu dituen Alaveseko jokalari gisa (29 gol).
Bigarren zatian, Mamadou Loum erdilari senegaldarrak zutoinera bidali du korner baten ostean jotako burukada, eta, horren ondoren, bisitariak izan dira berriro ere gola lortu dutenak, 70. minutuan.
Gonzalez Fuertes epaileak penaltia adierazi du Martin Aguirregabiriak area barruan baloia eskuz jo eta gero. Pachecok hasiera batean gelditu egin du Iago Aspasen jaurtiketa, baina ezin dio erantzun bera eman Vigoko golegile zorrotzaren bigarren ahaleginari.
Callejaren mutilak berdinketaren bila abiatu dira, eta John Guidettik gertu izan du, baina denbora gehiegi behar izan du baloia kontrolatzeko, eta, azkenerako, galiziarren defentsak suediarraren errematea mozteko gai izan dira.
Horrez gain, ia amaieran, Matias Dituro kanpokoen atezainak gelditu ederra egin behar izan du Joseluk urrutitik egindako saiakerari.
Hala, garaipen horrekin galiziarrek jauzia eman dute sailkapenean (16 puntu) eta, besteak beste, Alaves gainditu dute (14 puntu).
Fitxa teknikoa:
1 - Deportivo Alaves: Pacheco; Martín, Laguardia, Lejeune, Rubén Duarte (Sylla, 87. min); Loum (Guidetti, 78. min), Toni Moya Pina, 78. min), Pere Pons (Manu García, 78. min), Édgar (Pellistri, 71. min), Luis Rioja eta Joselu.
2 - Celta: Dituro; Kevin Vázquez, Araujo, Javi Galán; Beltrán; Brais Méndez (Tapia, 56. min), Denis Suárez (Solari, 56. min), Nolito (Cervi, 46. min); Aspas (Murillo, 82. min) eta Santi Mina.
Golak: 0-1, 11. min: Santi Mina. 1-1, 21. min: Joselu. 1-2, 70. min: Aspas.
Epailea: González Fuertes (Comité Asturiano). Txartel horiak atera dizkie Duarte (32. min), Lejeune (37. min) eta Aguirregabiria (57. min) Alaveseko jokalariei eta Brais Méndez (50. min) eta Tapia (85. min) Celtako jokalariei.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.