Alavesek olatu gainean jarraitzen du (2-2)
Sevillak eta Alavesek Santander Ligako hamaikagarren jardunaldiko partida jokatu dute Sanchez Pizjuan futbol-zelaian.
Javier Callejaren Alavesek denboraldiko minutu onenak jokatu ditu gaurko partidan berdinketa oso garrantzitsua lortuz (2-2). Laugarren minuturako Joseluk gola egiteko lehen aukera izan du, baina errematea kornerrean amaitu da. Eskuinetik atera eta partidaren lehen gola heldu da; Victor Laguardiaren burukadak ezin izan du Bonok gelditu eta 0-1koa jarri du markagailuan bosgarren minutuan.
Neurketak ez du etenik izan hurrengo minutuetan. Bai Sevillak eta bai Alavesek golak egiteko abaguneak izan dituzte.
Montielek 38. minutuan eskuin hegaletik jokaldia egin eta bere erdiraketa Ocamposek area barruan, bakar-bakarrik, sare barrura bultzatu egin du baloia (1-1). Lehen zatiko azken minutuetan Julen Lopetegiren taldeak atzean sartu du Alaves, halere, 47.ean VARak Alavesen aldeko penaltia adierazi du Sevillako jokalari bati eskuan eman diolako. Joseluk ez du huts egin (1-2) eta horrela amaitu da lehen zatia.
Gol bateko aldearekin egin diote aurre bigarren zatiari gasteiztarrek. Sevillak aldaketak egin ditu joko zuzenagoarekin jokatzeko eta Alavesen areara lehenago heltzeko asmoz.
Euri zaparrada jausi da Sevillan eta ondo jokatzeko arazoak sortu dituzte bi taldeek
63. minutuan Edgar Mendezek hirugarren gola izan du, baina bere burukada zutoin ondotik galdu egin da; 75.ean Rafa Mirrek ere gola egiteko aukera izan du, baina jaurtiketa gutxigatik kanpora joan da.
Zoritxarrez azkenean berdinketaren gola heldu da; Rakiticek luzapenean egin du (2-2) nahiz eta Alavesen defentsa lana oso ona izan da bigarren zatian.
HAMAIKAKOAK
Sevilla: Bono; Montiel, Kounde, Diego Carlos, Augustinsson; Fernando, Joan Jordan; Ocampos, Oliver Torres, Idrissi; eta Rafa Mir.
Alaves: Pacheco; Martin, Laguardia, Lejeune, Duarte; Loum, Moya, Pons; Edgar, Rioja eta Joselu.
GOLAK
0-1, Laguardiak, buruz (5')
1-1, Ocamposek area barruan (38')
1-2, Joseluk, penaltiz, (47')
2-2, Rakiticek luzapenean (92')
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.