Bosgarren porrota jarraian Alavesentzat, Espanyolen aurka galdu ostean
Alavesek porrota jaso du Espanyolen aurka (1-0) asteazken honetan Santander Ligako seigarren jardunaldiko partidan. Arabako taldeak bost neurketa jarraian galdu ditu aurtengo denboraldian, eta oraindik ez du punturik eskuratu.
Norgehiagokako bigarren minutuan Espanyolek gola sartu du, baina epaileak baliogabetu egin du, Embarba jokoz kanpo egon baita jokaldiaren hasieran. Hiru minutu beranduago iritsi da Alavesen erantzuna Ruben Duartek kanpora errematatu duen bolearen bidez. Espanyol izan da baloiaren jabe, eta Raul De Tomasek gola sartu du 18. minutuan, baina hau ere baliorik gabe utzi du epaileak, aurrelaria jokoz kanpo egon delako pasea jaso duenean. Etxeko taldearen nagusitasuna erabatekoa izan da, baina Alaves gola sartzetik gertu egon da 30. minutuan; Diego Lopez atezainak, ordea, Luis Riojaren jaurtiketa desbideratzea lortu du. Jokaldi horren ostean erasora jo du Javier Callejak zuzentzen duen taldeak. Abagune argiak sortzea kosta zaion arren, justu atsedenaldira iritsi aurretik izan du Alavesek aurrea hartzeko aukera: Joseluk area kanpotik jaurtiketa egin, Diego Lopezek desbideratu, eta Agirregabiriaren errematea kanpora joan da.
Bigarren zatiari erasokor ekin dio Espanyolek eta 52. minutuan epaileak penaltia adierazi du Bartzelonako taldearen alde, Ruben Duartek eskuarekin moztu baitu aurkariaren errematea. Raul De Tomasek 1-0ekoa sartu du, penaltiz Pacheco atezaina gaindituta.
Golak min egin dio Alavesi, baina talde babazorroak berdinketa lortzeko aukera izan du 61. minutuan; Agirregabiriak erdiratu, Cabrerak baloia aldendu, eta gutxigatik ez du gola bere atean sartu.
Partidaren azken txanpara arte bi taldeetako batek ere ez da gai izan abagune argiak sortzeko. Luzapenean, ordea, gola sartzeko aukera bana izan du talde bakoitzak. Pacheco Alaveseko atezainak gola eragotzi du 91. minutuan, Wu Leiren errematea geldituta. Amaieran, 95.minutuan, Alavesek izan du abagunea Joseluk errematatu duen Loumen erdiraketa baten ostean, baina Cabrera gurutzatu da eta baloia desbideratzea lortu du. Azkenean, porrota Alavesentzat.
Fitxa teknikoa:
1-RCD Espanyol: Diego Lopez; Pedrosa, Sergi Gomez, Cabrera, Oscar Gil; Bare (David Lopez, 74. min), Darder (Melendo, 88. min); Morlanes (Fran Merida, 66. min) , Embarba, Melamed (Wu Lei, 66. min) eta Raul de Tomas (Dimata, 74. min)
0-Alaves: Pacheco; Martin (Miazga, 86. min), Tachi (Miguel, 86. min), Laguardia, Ruben Duarte; Pina (Pellistri, 71. min), Loum, Manu Garcia (Toni Moya, 86. min), Rioja; Guidetti (Sylla, 60. min) eta Joselu.
Gola: 1-0, 54. min: Raul de Tomas.
Epailea: Melero Lopez. Txartel horia atera dio Ruben Duarte (52.min) Alaveseko jokalariari.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.