Real Madrilek ez dio aukerarik eman Alavesi atsedenaldiaren ostean (1-4)
Alavesek galdu egin du Real Madrilen aurka (1-4), 2021/2022 denboraldiari dagokion Santander Ligako lehen jardunaldian. Babazorroek bizitasun gehiago jarri dute norgehiagokako lehen 45 minutuetan, eta aurre egin diote Carlo Ancelottiren taldeari.
Aitzitik, bigarren zatia hastearekin batera, madrildarrak goitik behera nagusitu dira, eta lau gol sartuta hiru puntuak eraman dituzte Mendizorrotzatik.
Karim Benzemaren bi golek eta Nacho Fernandezek sartutako beste batek partida erabakita utzi dute 15 minuturen buruan. Gerora, Joselu Matok markagailuko kontrako aldea murriztu badu ere, Courtois atezainak Guidettiri egindako penaltia baliatuta, Vinicius Juniorrek beste gol bat erdietsi du neurketa amaitzear zela, etxekoen atsekaberako.
Fitxa teknikoa:
1 - Alaves: Pacheco; Martín, Lejeune, Laguardia, Duarte; Pina (Toni Moya, 82. min), Pons (Loum, 59. min), Manu García (Guidetti, 59. min); Édgar (Pellistri, 68. min), Rioja (Iván Martín, 68. min) eta Joselu.
4 - Real Madril: Courtois; Militao, Alaba, Nacho, Lucas; Modric (Asensio, 88. min), Casemiro, Valverde (Isco, 88. min); Hazard (Vinicius, 66. min), Benzema (Jovic, 89. min) eta Bale (Rodrygo, 68. min).
Golak: 0-1, 48. min: Benzema. 0-2, 56. min: Nacho. 0-3, 62. min: Benzema. 1-3, 65. min: Joselu, penaltiz. 1-4, 92. min: Vinicius.
Epailea: César Soto Grado. Txartel horiak: Manu García (Alaves); Bale eta Courtois (Real Madril).
Gertakizunak: Gasteizko Mendizorrotza zelaian jokatu den LaLiga Santanderreko lehen jardunaldiko partida, 3.968 ikusleren aurrean.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.