Alavesek porrota jaso du Vila-realen aurka eta garaipenik lortu gabe jarraitzen du
Alavesek porrota jaso du Vila-realen aurka (3-1) jokatu duen Santander Ligako 4. jardunaldiko partidan. Arabako taldeak garaipenik lortu gane jarraitzen du, eta puntu bakarra eskuratu du orain arte jokoan egon diren hamabietatik.
Neurketako 11. minutuan abagune bikaina izan du Vila-realek; Moi Gomez area barruan sartu da, pasea eman dio Alcacerri, eta aurrelari espainiarrari hankapetik pasa zaio baloia, errematea egin ez duelarik. Hala ere, bi minutu beranduago, Mariok erdiraketa egin eta Alcacerrek 1-0ekoa sartu du, area barruan bikain errematatuta.
Gola hartu ostean, Alaves berdinketaren bila jotzen saiatu da, baina ezin izan du arriskua sortu Asenjok defendatutako ate inguruan. Vila-realek erraztasunak izan ditu Arabako taldeko defentsen bizkarra bilatzerakoan, eta Pacheco atezainak gola eragotzi behar izan du 25. minutuan Estupiñanen jaurtiketa desbideratuta. Ia jarraian, epaileak Gerard Morenoren gola baliogabetu du, aurrelaria jokoz kanpo zegoelako pasea jasotzerakoan. Sufritzen eta ezinean ibili da Alaves, baina Deyversonek baloia aldendu du bere zelaitik, Asenjok huts galanta egin du areatik irten eta baloia ez jotzerakoan, eta Edgar Mendezek banakoa (1-1) sartu du baloia sare barrura bultzatuta.
Atsedenaldira iritsi aurretik, 44. minutuan, Lejeunek penaltia egin dio Mariori eta Gerard Morenok 2-1koa egin du, hamaika metroetatik Pacheco atezaina gaindituta.
Bigarren zatia hasi eta lasterrean Vila-realek hirugarren gola sartzeko aukera nabarmena izan du, baina Estupiñanen jaurtiketa Pachechok desbideratu du, eta Alcacerren errematea kanpora joan da. Alavesen erantzuna 58. minutuan etorri da; Borja Sainzek pasea eman dio Edgarri, eta baloia gutxigatik kanpora joan da. Bi minutu beranduago, epaileak Moi Gomezen gola baliogabetu du. Norgehiagoka ia erabakita utzi du Unai Emeryk zuzentzen duen taldeak 66. minutuan Alcacerrek sartu duen 3-1ekoarekin.
Hirugarren gola jaso ostean eta partidaren azken ordu laurdenean izan ditu abagune onenak Alavesek: Asenjo nagusi izan da Lucas Perezen aurkako buruz burukoan, eta Guidettik kanpora bidali du errematea Vila-realeko atezainari iskin egin ostean. Bi taldeetakobat ere ez da gai izan gol gehiago sartzeko eta Vila-realek eskuratu ditu hiru puntuak.
Fitxa teknikoa:
3. Vila-real: Asenjo; Mario, Albiol, Pau, Estupiñan (Costa, 77. min); Iborra, Parejo; Moi Gomez (Chukwueze, 83. min), Trigueros (Take Kubo, 75. min); Gerard (Bacca, 83. min), Alcacer (Funes Mori, 83. min).
1. Alaves: Pacheco; Ximo, Lejeune, Laguardia (Ely, 83. min), Duarte (Manu Garcia, 76. min); Edgar (Sergi Garcia, 76. min), Pere Pons, Battaglia, Borja Sainz (Rioja, 66. min); Deyverson (Guidetti, 66. min), Lucas Perez.
Golak: 1-0, 13. min: Alcacer. 1-1, 3. min7: Edgar. 2-1, 45. min: Gerard, penaltiz. 3-1, 67. min. Alcacer.
Epailea: Medie Jimenez. Txartel horiak atera dizkie Laguardia eta Ximo Navarro Alaveseko jokalariei.
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.