Alavesek porrota jaso du Espanyolen aurka
Alavesek porrota jaso du Espanyolen aurka (2-0) Ligako 28. Jardunaldiko partidan; lehena, koronabirusaren pandemiak eragindako geldialdiaren ostean. Ondorioz, Alaves 33 punturekin mantentzen da, eta, Espanyolek 23 puntu ditu, salbaziotik hiru puntura kokatu delarik.
Lehen minutuak parekatuak izan dira, baina gakoa 19. minutuan eman den jokaldian egon da: Pacheco atezainak txartel gorria ikusi du, area kanpoan baloia eskuekin hartzeagatik. Asier Garitano entrenatzaileak, Edgar kendu du zelaitik Roberto atezaina sartzeko.
Jokalari bat gehiagorekin, Espanyol nagusi izan da, eta abaguneak sortzen hasi da. Neurketako 26. minutuan, Wu Leik gola sartu du, baina epaileak baliorik gabe utzi du, txinatarrak eskuarekin egin duelako errematea. Hiru minutu beranduago, Robertok geldiketa bikoitza egin du, etxekoen gola eragotziz. Partidako 40. minutuan ere, Roberto izan da protagonista beste gelditu bikoitz batekin. Hala ere, Alaveseko atezainak ezin izan du Bernardoren errematea (1-0) gelditu, 48. minutuan. Espanyolen golarekin bukatu da lehen zatia.
Norgehiagoka maldan gora izan du Alavesek, eta are zailago jarri zaio bigarren zatiaren hasieran, Wu Leik 2-0ekoa sartu baitu. Aurkariaren bigarren golak erabat lur jota utzi du Alaves, eta Espanyol eroso jokatzen ibili da. Roberto atezainak, beste gol bat eragotzi du 53. minutuan, baloia atepean harrapatuta.
Alaves ez da Espanyol estutasunetan jartzeko gai izan. Talde perikitoak ere ez du abagune argirik izan azken ordu erdian, baina erosotasunez jokatu, eta kontrolpean izan du neurketa. Azken txanpan, Darderrek izan du garaipena biribiltzeko aukera, baina ez du Alavesen atea aurrean asmatu. Amaieran, porrota Alavesentzat.
Fitxa teknikoa:
2 - RCD Espanyol: Oier; Javi Lopez, Bernardo, Cabrera, Didac; Melendo (Vargas, 78. min), David Lopez (Iturraspe, 85. min), Marc Roca; Embarba (Darder, 51. min), Calleri (Ferreyra, 85. min) eta Wu Lei (Raul de Tomas, 51. min).
0 - Alaves: Pacheco; Ximo Navarro, Laguardia, Ely (Pina, 55. min), Duarte; Camarasa (Borja Sainz, 82. min), Fejsa (Luis Rioja, 55. min), Martin, Edgar (Roberto, 21. min); Aleix Vidal (Pere Pons, 46. min) eta Burke.
Golak: 1-0, 45. min: Bernardo; 2-0, 47. min: Wu Lei.
Epailea: Gonzalez Fuertes. Pacheco Alaveseko atezaina egotzi du (19. min). Txartel horiak atera dizkie Embarba (4. min), Wu Lei (26. min), Rioja (65. min) eta Raul de Tomas (73. min) Espanyoleko jokalariei.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.