Alavesek porrota jaso du Real Madrilen aurka
Alavesek galdu egin du Real Madrilen aurka (1-2) Mendizorrotzan jokatu duen Santander Ligako 15. jardunaldiko partida, eta moztu egin zaio garaipenen bolada.
Neurketako zazpigarren minutuan penaltia eskatu dute Alaveseko jokalariek Aleix Vidal area barruan erori ostean, baina epaileak ez du ezer adierazi, eta txartel horia atera dio Arabako taldeko futbolariari. Hiru minutu beranduago, Real Madrilek izan du abagunea, Ximo Navarrok bere aterantz desbideratu duen baloiak zutoina jo ostean. Isco izan da talde bisitariaren aldetik arrisku-jokaldiak sortu dituena, nahiz eta lehen zatia gol aukera gutxikoa izan den.
Bigarren zatia gaizki hasi da Alavesentzat, Real Madrilek gola sartu baitu 51. minutuan, Sergio Ramosen bitartez (0-1). Jokalari espainiarrak buruz egin duen erremate baten bitartez bidali du baloia sare barrura.
Gola hartu ostean, Alavesek berdinketaren bila jo du, eta ez du asko itxaron behar izan banakoa egiteko; 63. minutuan epaileak Arabako taldearen aldeko penaltia adierazi du Sergio Ramosek Joseluri area barruan egin dion faltagatik, eta Lucas Perezek gola sartu du penalti puntutik (1-1). Pozak, ordea, gutxi iraun dio Alavesi, neurketa berdindu eta zazpi minutu geroago 1-2koa sartu baitu Real Madrilek; Iscok atepean egin duen erremateak zutoina jo du, eta Carvajalek bultzatu du baloia sare barrura.
Partidako azken txanpan, talde gasteiztarrak bi abagune argi izan ditu, baina Lucas Perezen jaurtiketa Real Madrileko defentsaren eta Areola atezainaren artean desbideratu dute, eta Manu Garciaren errematea Areolak gelditu du. Amaieran, Alavesen porrota.
Fitxa teknikoa:
1 - Alaves: Pacheco; Aguirregabiria, Laguardia, Ximo, Duarte; Aleix Vidal, Wakaso (Manu Garcia, 82. mi), Tomás Pina (Pons, 76. min), Luis Rioja (Burke, 59. min); Lucas Perez eta Joselu.
2 - Real Madril: Areola; Carvajal, Militao, Sergio Ramos, Marcelo; Casemiro, Modric (Valverde, 79. min), Kroos; Bale (Rodrygo, 66. min), Isco (Mendy, min.90) eta Benzema.
Golak: 0-1, 52. min: Sergio Ramos. 1-1, 65. min: Lucas Perez, penaltiz. 1-2, 69. min: Carvajal.
Epailea: Cuadra Fernandez. Txartel horiak atera dizkie Vidal (7. min), Pina (45. min), Lucas Perez (65. min) eta Duarte (79. min) Alaveseko jokalariei, baita Modric (32. min) eta Ramos (64. min) Real Madrileko futbolariei.
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.