Abelardok ez du Alavesen jarraituko
Abelardo Fernandezek ez du jarraituko Alaves entrenatzen datorren denboraldian. Noticias de Alavak aurrera du albistea, eta Radio Vitoriak jakin duenez, Asier Garitano da Sergio Fernandez kirol-zuzendariak fitxatu nahi duen entrenatzailea datorren denboraldirako.
Alavesek kontratua berritzeko eskaintza egin zion teknikari asturiarrari, baina honek ezezkoa eman zion eskaintzari. Gauzak honela, bi aldeen arteko lortura hautsi egingo da 2018-2019 denboraldiaren amaieran.
2017ko abenduaren 1ean fitxatu zuen Abelardo, Alavesek. Gianni De Biassi ordezkatu zuen, eta aldi berean, italiarrak Luis Zubeldia ordezkatu zuen. Gijoneko entrenatzaileak oso egoera zailean hartu zuen taldea. Jaitsiera saihesteko borrokan zen Alaves, eta Abelardoren aginduetara, mailari eutsi zion gehiegi sufritu barik. Ondorioz, beste urtebetez berritu zuen kontratua. Denboraldi honetan, taldea Europako postuetan sartuta egon da ia urte guztian zehar. Orain, zortzigarren da sailkapenean eta Europarako postuetan sartzeko aukerak ditu.
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.