Mugimenduak Alavesen: Rolan eta Blanco heldu dira; Sobrino, Torres eta Dieguez badoaz
Alavesek hainbat mugimendu izan ditu neguko merkatua itxi den azken egunean; izan ere, hiru irteera eta bi etorrera iragarri ditu.
Taldera heldu berri diren jokalariei dagokienez, azken izena Diego Rolan uruguaitarrarena izan da. Deporreko jokalaria den aurrelariak utzita helduko da Gasteizera. Rolanek Leganesen eman ditu denboraldi honetako lehen hilabeteak, han ere utzita zegoela. Alabaina, hiru kluben arteko akordioa bide, Arabako hiriburuan arituko da denboraldia amaitu arte, Abelardoren aginduetara.
Madrilgo taldearekin 8 partida jokatu ditu guztira orain arte. Aurretiaz ere Ligan ibilitakoa da Rolan, joan zen denboraldian Malagan jardun baitzuen. 27 norgehiagokatan aritu zen andaluziarrekin, eta 5 gol erdietsi zituen.
Talde gasteiztarrak baieztatu duen bigarren jokalari berria Alex Blanco da. Valentziaren bigarren taldean ari zen jokatzen, baina babazorroen elastikoa jantziko du ekainaren amaierara arte.
Sobrinoren agurra
Irteerei dagokienez, horietako nagusiena Ruben Sobrinoren salmenta izan da. Ciudad Realeko aurrelariak Valentzian jokatuko du 2022ko ekainera bitartean. Gasteizen eman duen denboran (bi denboraldi eta erdi) 71 partida jokatu ditu (horietako erdia baino gehiago titular gisa) 12 gol sartuta, Liga eta Kopa artean.
Horrez gain, Dani Torres eta Adrian Dieguez jokalariak ere beste talde batzuetan izango dira denboraldia bukatu bitartean. Erdilari kolonbiarra Albacetera joango da, eta, atzelari madrildarrak, berriz, Huescan jardungo du datozen hilabeteetan.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.